سه‌رۆك نێچيرڤان بارزانى و شێخ جه‌مال ئه‌لزارى دۆخى عيراق تاوتوێ ده‌كه‌ن
ئه‌مڕۆ سێشه‌ممه 2022/3/29 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له به‌ڕێز شێخ جه‌مال ئه‌لزارى، ئه‌ميندارى گشتيى پرۆژه‌ى نيشتمانيى عيراقى كرد.
له ديدارێكدا دوايين پێشهاته‌كانى دۆخى سياسيى عيراق و هه‌وڵ و ئه‌نجامه‌كانى به‌ڕێوه‌چوونى دانيشتنى ئه‌نجومه‌نى نوێنه‌ران بۆ هه‌ڵبژاردنى سه‌ركۆمار و ده‌ستنيشانكردنى سه‌رۆك وه‌زيرانى داهاتووى حكوومه‌تى فيدراليى عيراقيان تاوتوێ كرد.
هه‌ردوولا جه‌ختيان له گرنگى و پێويستيى گه‌يشتنى هێز و پێكهاته عيراقييه‌كان بۆ ڕه‌چاوكردنى به‌رژه‌وه‌نديى باڵاى نيشتمانى و لێكگه‌يشتن بۆ چاره‌سه‌رى و تێپه‌ڕاندنى قۆناغه‌كه و ته‌حه‌دييه‌كانى ئێستا و داهاتووى به‌رده‌م پرۆسه‌ى سياسى له وڵات كرده‌وه.
