كچە نمایشكارێكی جلوبەرگی ئەڵمانی، دوای ئەوەی دەستگیراندار دەبێت، هەموو هاوڕێكانی ئاگادار دەكاتەوە بۆ ڕۆژی زەماوەند، بەڵام چەند ڕۆژێك بەر لە زەماوەندەكەی، تەواوی داوەتنامەكانی ڕەت دەكاتەوە و كەسیش بۆ ئاهەنگەكەی بانگ ناكات، ئەو كچە ناوی (ئیلینا)یە، لە شاری هایدلبێرگ لە ئەڵمانیا دەژی، ئەگەرچی خاوەن پێگە و جەماوەرێكی زۆرە، بەڵام دواجار ئەو كارەی بەرامبەر هاوڕێ كچەكانی كرد، لە ڕۆژی ئاهەنگدا تەنیا چەند كەسێكی نزیكی خۆی هاتبوون، كچە هاوڕێكانی دوای ئەوەی زانیان كە ئاهەنگی بەڕێوەچووە و كەسی بانگ نەكردووە، دایانە بەر ڕەخنە و گلەیی هاوڕێیانە، ئەویش بە كورتە ڤیدیۆك لە تیكتۆك هۆكاری بانگهێشتنەكردنی هاوڕێی و دەستە خوشكەكانی بۆ ئەوە گەڕاندنەوە، كە یەكێك لە كچە هاوڕێكانی هەوڵی داوە دەستگیرانەكەی فریو بدات و خیانەتی لێ بكات، ئەویش لە تاو ئەو هەڵسوكەوتەی هاوڕێ كچەكەیدا، ئاهەنگەكەی بە نهێنی ئەنجام داوە، بەبێی ئەوەی كەس پێی بزانێت.