لەگەڵ بڵاوبوونەوەی هەژاری و برسییەتی لە ئەفغانستان ژمارەیەک لە هاووڵاتییانی ئەفغانی لە پارێزگای هەرات لە ڕۆژئاوای ئەفغانستان دەستیان كردووە بە دەفرۆشتنی گورچیلەکانیان.

دانیشتوانی پارێزگای هەرات دەڵێن:  ئەگەر سەرەڕای فرۆشتنی گورچیلەکانیان هەڕەشەی برسییەتی لەسەریان بەردەوام بێت و هیچ کارێک نەبێت بۆ تێركردنی گەدەی منداڵەکانیان، ڕەنگە منداڵەکانیشیان بفرۆشن بۆ ئەوەی ڕزگاریان بێت لەو نەهامەتییە.

دوای ئەوەی تاڵیبان لە ئەفغانستان دەسەڵاتی بەدەست هێنایەوە،  هەژاری و بێکاری لە هەموو وڵاتدا بڵاوبووەتەوە و خەڵك لە بارودۆخێكی سەختدا تێدەپەڕن. . 

بەپێی ئامارەکان نزیکەی لەسەدا 90ی سەرجەمی دانیشتوانی ئەفغانستان پشت بەیارمەتی دەرەکی دەبەستن و ئێستا برسییەتی و کەمی خۆراک هەڕەشە لەسەدا 90ی دانیشتوانی ئەفغانستان دەکەن.

 

 

 

گوڵان: سەردار خەلیل