پارێزگاری لە جوانیی ڕوخسار بە شووشتن
خانمان هەمیشە بە نیگەرانییەوە پارێزگاری لە پێستی ڕوخساریان دەكەن، بە هۆی ئەوەی دەروازەی جوانییە، تا چەند پێستی ڕوخسارت پاك و نەرم و نیان بێت، جێگەی سەرنجی دەوروبەر و خۆتە، هەوڵەكان بۆ جوان هێشتنەوەی ڕوخسار ئەرك و ماندووبوونێكی زۆری پێویستە، بە تایبەت ئەگەر هەنگاوەكانی جوانكاریی ڕوخسار پەیرەو بكەیت، یەكێك لەو هەنگاوانە سادەیە، دەتوانی ڕۆژانە لە ماڵەوە بە دەستی بهێنێت، ئەویش شووشتنی دەم و چاوە، شووشتنی ڕوخسار وەك ڕۆتینێكی ڕۆژانە كاریگەری باشی لەسەر جوانی و ناسكیی پێستی ڕوخسارت دەبێت، بۆ ئەوانەی كە كاتیان هێندە نییە تا پەنا ببەنە بەر ڕێنمایی و ماكیاژ و ماسكەكان، دەتوانن لە ڕێگەی شووشتنی ڕوخساریانەوە پێستێكی نەرم و نیانیان هەبێت، بۆ ئەم مەبەستە ماركەكانی جوانكاری جیهان چەندین پاككەرەوەی ڕوخساریان ئامادە كردووە، لەوانە: ماركەی دیۆر Dior پاككەرەوەی توێكڵەی Longozaی ئامادە كردووە، كە كار دەكات لە لابردنی پاشماوە و ماكیاژ و وردە خاڵی نێو خانەكانی پێست، ماركەی سیتافێل Cetaphil، شلەیەكی ئامادە كردووە كە گرنگی بە پێستی ڕوخسار دەدات، بە بێ ئەوەی سووربوونەوە و كاریگەری دەرچەی دەرەكی هەبێت، هەروەها ماركەكانی ئاڤینە Avèneی فەڕەنسی پێكهاتەیەكی بۆ كاتی شووشتنی ڕوخسار ئامادە كردووە، لە بازاڕەكاندا هەیە و دەتوانی بە كلینیكیس، یان بە پارچە پەموویەك لە ڕوخسارت بدەیت.