خانمە ئەكتەری میسری (نیلی كەریم)  سەرقاڵە بە كارێكی دراما كە بڕیارە لە مانگی ڕەمەزانی ساڵی 2022 نمایش بكرێت, بەڵام ئەوەی كە لە ئێستادا بووەتە جێی باسی میدیا و ڕۆژنامە عەرەبییەكان ئەوەیە كە لایەنی  بەرهەمهێنی ئەم زنجیرە درامایە بە دوای كەسێكدا دەگەڕێت كە هاوشێوەی نیلی كەریم بێت تاوەكو ڕۆڵی منداڵی ئەو بگێڕێت .

لە بڵاوكراوەیەكدا لە تۆڕە كۆمەڵایەتییەكان لایەنی بەرهەمهێنی ئەم كارە هونەرییە ڕایگەیاند كە ئەوان پێویستییان بە منداڵێكە لە ڕەگەزی كچ كە لە شێوەدا بە نیلی كەریم بچێت و تەمەنی لە نێوان 7 بۆ 12 ساڵ بێت, هەروەها ئەم لایەنە ئاماژەی بەوەداوە كە دەبێت ئەو منداڵە توانای نواندنی هەبێت .

ئەگەر چی هێشتا ئەم زنجیرە درامایە بەشێوەیەكی كاتی ناونیشانی (احوال شخصیە)ی بۆ دیاری كراوە, بەڵام هێشتا لە سەرەتای كارەكانە و ناوی ئەكتەرو بەشداربووانی دیكەی ئەم كارە ڕانەگەیەندراوە, ئەمەش لە كاتێكدایە كە نیلی كەریم چەند كارێكی دیكەی هونەری لە بەردەستەو لە داهاتوودا نمایش دەكرێن .

ئاسۆ كاكەیی