سەرۆکى هەرێمى کوردستان پێشوازى لە باڵیۆزى کەنەدا کرد

سەرۆکى هەرێمى کوردستان پێشوازى لە باڵیۆزى کەنەدا کرد

بەیانیى ئەمڕۆ دووشەممە 2021/10/25 بەڕێز نێچیرڤان بارزانى، سەرۆکى هەرێمى کوردستان، بەبۆنەى کۆتاییهاتنى ئەرکییەوە، پێشوازى لە بەڕێز ئولریک شانۆن، باڵیۆزى کەنەدا لە عیراق کرد.

لە دیدارێکدا سەرۆک نێچیرڤان بارزانى سوپاسى ئەرک و ماندووبوونى بەڕێز باڵیۆزى کەنەداى لە عیراق بۆ برەودان بە پەیوەندییەکانى وڵاتەکەى لەگەڵ عیراق و هەرێمى کوردستان کرد و هیواى سەرکەوتنى لە ئەرکى نوێیدا بۆ خواست. بەڕێز باڵیۆز کەنەداش دووپاتى کردەوە کە وڵاتەکەى بە بایەخەوە لە پەیوەندییەکانى لەگەڵ عیراق و هەرێمى کوردستان دەڕوانێت و هیواى خواست لە هەموو بوارەکاندە برەو بە پەیوەندییەکان بدرێت.

تاوتوێکردنى هەڵبژاردنى عیراق و بەشداریى چاودێرانى کەنەدى لە پرۆسەى دەنگداندا، هەڵوێستى لایەنە کوردستانییەکان و تێڕوانین بۆ ڕەوشى دواى هەڵبژاردن، پرۆسەى پێکهێنانى حکوومەتى فیدراڵى عیراق، پرسى ئازادییەکان و ئازادیى ڕادەربڕین و ڕاگەیاندن لە هەرێمى کوردستان، چەند تەوەرێکى دیکەى دیدارەکە بوون کە بەڕێز بەرپرسى نووسینگەى باڵیۆزخانەى کەنەدا لە هەولێر ئامادەى بوو.

Top