هێڤیدار ئەحمەد لە فراكسیۆنی پارتی لە پەرلەمانی كوردستان داوا لە خەڵكی سلێمانی دەكات كە دەنگ بە كاندیدانی پارتی بدەن لەم هەڵبژاردنە تاكو بزانن دەكەونە نێو چ نیعمەتێكەوە.
هێڤیدار ئەحمەد، ئەندامی فراكسیۆنی پارتی دیموكراتی كوردستان لە پەرلەمانی كوردستان نووسینێكی كورتی لە پێگەی خۆی لە تۆڕی كۆمەڵایەتی (فەیسبووك) بڵاو كردۆتەوە و وتویەتی: داوا لە خەڵکی سلێمانی دەکەین با بۆ جارێکیش بێت پارتی ھەڵبژێرن تاوەکو بزانن دەکەونە نیو چ نیعمەتێکەوە.
هاوكات داوای لە خەڵكی شاری سلێمانی كردوە، كە دەنگ بە پارتی بدەن بۆ ئەوەی سەر و ماڵتان پارێزراو بێت.
جەختی لەوەشكردۆتەوە، ئەگەر تەنیا یەك جار پارتی دیموكراتی كوردستان ھەڵبژێرن ئەوە لەپاشان دەزانن نیعمەت چییە و ئەوەی پێشتر چ نیقمەتێک بوو تێیدا بوون.
شایانی باسە خەڵكی سلێمانی نیگەرانییەكی زۆریان لە دواكەوتنی ئاوەدانی و خزمەتگوزاریی لە شارەكەیان هەیە، هەرچەندە كە لە ماوەی ڕابردوودا بودجەیەكی زۆر وەك هەموو شارەكانی دیكەی هەرێمی كوردستان بۆ خزمەتكردنی شاری سلێمانی و سنوورەكەی تەرهانكراوە، گەرچی ئەو حزبەی لە شارەكە باڵادەستە و دەسەڵتدارنی ئەوێ ئەوە پارەكانیان بۆ ئاوەدانی و خزمەتگوزاری سلێمانی خەرج نەكردووە.