ڕێكاری پێویست بۆ دەنگدانی ئاوارەكان لە هەرێمی كوردستان گیراوەتە بەر

ڕێكاری پێویست بۆ دەنگدانی ئاوارەكان لە هەرێمی كوردستان گیراوەتە بەر

 

ئاژانسی فەرمی هەواڵی عێراقی لە زاری عەلی عەباس بەڕێوەبەری گشتیی فەرمانگەی کاروباری لقەکان لە وەزارەتی کۆچ و کۆچبەرانی عێراق بڵاوی كردووەتەوە كە ناوبراو ڕایگەیاندبوو  وەزارەت گرنگییەکی تایبەت دەدات بە پرۆسەی دەنگدان لە کەمپی ئاوارەکان و بۆ ئەم بەمەستەش لەنێوان وەزارەت و کۆمسیۆن لیژنەی هاوبەش پێکهێنراوە.

ناوبراوئاماژەشی بەوەدا كە دەنگدان لە کەمپەکان بەچاودێریی نێودەوڵەتیدا بەڕێوە دەچێت، بەتایبەتی لە کەمپەکانی هەرێمی كوردستان.

بەڕێوەبەری گشتیی فەرمانگەی کاروباری لقەکان لە وەزارەتی کۆچ و کۆچبەرانی عێراق جەختی لەوە كردەوە كە بەهۆی ئەوەی ئاوارەکان ناتوانن لە شوێنی خۆیان دەنگ بدەن، هەربۆیە لە پارێزگای دهۆک لەناو کەمپەکاندا ٢٤ بنکەی دەنگدان و لە پارێزگاری سلێمانیش لە نزیک کەمپەکان بنکەی دەنگدانیان بۆ تەرخان کراوە.

سەبارەت بەو ئاوارانەی لە دەرەوەی کەمپەکاندا نیشتەجێن ڕوونی كردەوە كە ئەو ئاوارانە تەواوی زانیارییەکانیان نوێ کردوونەتەوە و بنکەی دەنگدانیان لە هەریەک لە پارێزگای هەولێر و سلێمانی بۆ تەرخانکراوە.

شایانی باسە بڕیارە ڕۆژی یەک شەممە ڕێکەوتی ١٠ی تشرینی یەکەم هەڵبژاردنی ئەنجومەنی نوێنەرانی عێراق بەڕێوەبچێت و زیاتر لە ٢٥ ملیۆن دەنگدەر مافی دەنگدانیان هەیە بۆ هەڵبژاردنی ٣٢٩ ئەندام پەرلەمان.

 

 

Top