لە بڵاوكراوەیەكی جیاوازدا لە تۆڕە كۆمەڵایەتییەكان, ئەكتەری دیاری كۆمیدیای شاشەی میسری(محەمەد هنیدی) ڕایگەیاند كە بەیەكجاری واز لە كاری نواندن دەهێنێت و ڕوو دەكاتە هونەری گۆرانی, هەروەها بە هەوادارانی ڕاگەیاند كە ئەو ئامادەیە وەكو گۆرانیبێژێكی میللی ئاهەنگ ساز بكات و گۆرانی پێشكەش بكات .

هەر زوو ئەم هەواڵە لە تۆڕە كۆمەڵایەتییەكان دەنگی دایەوە, بەڵام ڕاستی و درووستی ئەم بڕیارەی (محەمەد هنیدی) تەنها بۆ خۆشییەك بوو لەگەڵ جەماوەرەكەی و ئەم هونەرمەندە تەنها ویستی پەیامێك بگەیەنێت و سوپرایزێك بۆ هەوادارەكانی درووست بكات, بۆیە محەمەد هنێدی ناچاربوو ڕوونكردنەوە بدات و بڵێت كە ئەو وازی لە كاری فیلم و سینەما نەهێناوە, بەڵكو ڕووكردنە هونەری گۆرانی بەشداری كردنییەتی لە شانۆگەرییەكی نوێ كە تێیدا وەكو گۆرانیبێژێكی میللی دەردەكەوێت و تێیدا گۆرانی پێشكەش دەكات .

ئاسۆ كاكەیی