گرنگە پیاوانیش بایەخ بە جلوبەرگ بدەن و لەگەڵ ستایلی ڕۆژدا بن، ماڵپەڕی "برایتساید" چەند هەڵەیەکی پۆشینی جلوبەرگی بڵاوکردوەتەوە، کە پێویستە پیاوان خۆیانی لێ دوور بگرن.

بۆیە پێویستە ئەم خاڵانە لەبەرچاو بگرن

یەکەم: لە پۆشینی چاکەتی زۆر درێژ، یان زۆر کورت دووربکەوە، پێویستە بە وریایی چاکەت هەڵبژێریت، کە درێژییەکەی بەپێی باڵای خۆت بێت.

دوەم:  لە پۆشینی ئەو تیشێرتانەی ناوی براندەکانی لەسەرە، خۆت بپارێزە.

سێیەم: کاتێ پانتۆڵێک دەکڕیت، دڵنیابەرەوە لەوەی کە بە قەبارەی خۆتە.

چوارەم: لەکاتی پۆشینی کراسدا هەرگیز ڕێگە مەدە تیشیرتەکەی ژێرەوەت دەربکەوێت، چونکە سیمایەکی جوانی نییە.

پێنجەم:  ڕێژەیەکی زۆری ئێکسیسوارات بەکارمەهێنە، بەڵکو تەنیا بەپێی پێویست سوودیان لێ وەربگرە.

شەشەم: هەرگیز گۆرەوی و نەعل پێکەوە لەپێ مەکە.

حەوتەم: هەموو ڕەنگەکان پێکەوە مەپۆشە و، لە ڕەنگی زۆر کراوە دووربکەوە، ئەگەر زیاتر لە چوار ڕەنگ بەکاردەهێنیت، دڵنیابەرەوە لەوەی ڕەنگەکان لەیەکتر نزیک بن.

هەشتەم: کاتێ قات دەپۆشیت کالە لەپێ مەکە، چونکە جوانیی قاتەکەت دەکوژێت و سەرنجراکێشیت کەم دەکاتەوە.

نۆیەم:  گرنگ نییە تەمەنت چەندە، لەکاتی پۆشیندا تیشێرت مەخەرە ناو پانتۆڵەوە.

دەیەم: جگە لەوەی پێویستە بایەخ بە درێژیی بۆینباخ بدەیت، بە هەمانشێوە بایەخ بە پانی بۆینباخ بدە و، لە بۆینباخی زۆر پان خۆت بەدووربگرە.