بەغدا - عێراق 29 حوزەیران 2021 - لەهەنگاوێکدا بۆ ئەوەی کاتژمێرەکانی گالاکسی و مۆبایلە هۆشمەندەکان زیاتر پێکەوە  ببەسترێنەوە، کۆمپانیای سامسۆنگ بۆ ئامێرە ئەلیکترۆنیەکان ئەمڕۆ کاتژمێری نوێی گونجاو بە ڕووکاری بەکارهێنەری One UI لەکۆنفرانسی جیهانی بۆ ئامێرەکانی مۆبایل (MWC) نمایشکرد. کۆمپانیاکە دوپاتی کردەوە کە ئەم کاتژمێرە لەگەڵ ڕووکارێکی نوێ دێت، لە میانەی کۆمەڵەی کاتژمێرەکانی دەبێت لەسەر ئەو سەکۆ نوێیەی کە بە هاوبەشی لەگەڵ گوگڵ دروست کراوە ،کە یارمەتی دەدات بۆ باشترکردنی توانای کارکردنی، هاوکات دڵنیابوون لە ئەزموونێکی نەرمتر لە نێوان کاتژمێرەکان و مۆبایلە هۆشمەندەکان کە بە سیستەمی ئەندرۆید کاردەکەن، و دەستگەیشتن بە زۆرترین بەرنامەکان. سامسۆنگ ئەوەشی ئاشکرا کرد کە کاتژمێری داهاتووی پشتگیریکراو بە ڕووکاری بەکارهێنەری (One UI) یەکەم بەرهەم دەبێت کە ڕووکاری یەکگرتووی نوێ پیشان بدات و سامسۆنگ

لە کۆتایی ئەم هاوینەدا بۆ یەکەم جار لە بۆنەیەکی تایبەت دا(Unpacked) نمایشی دەکات.

پاتریک چۆمێت جێگری سەرۆکی جێبەجێکار و سەرۆکی لقی ئەزموونی کڕیاران لە بەشی مۆبایلەکانی سامسۆنگ ڕایگەیاند: "بۆ ئەوەی بتوانین توانای تەواوی ئەو ئامێرانەی دەکرێن بە جەستەی مرۆڤەوە پیشان بدەین، پشت بە ئەزموونی درێژی داهێنانی مۆبایلەکانمان و هاوبەشیکردنەکانمان لەگەڵ سەرکردەی باوەڕپێکراوی پیشەسازیەکەدا دەبەستین، بەتایبەتی ئەوانەی کە لەگەڵ گەشەی ئێمەدا لە سیستەمەکەدا هەنگاویان ناوە. و لەسەر ئەم هەوڵانە، ئەزموونی کاتژمێرە هۆشمەندەکانمان دەوڵەمەند دەکەین و دڵنیای

دەکەینەوە کە سیستەمی گالاکسی لە باشترین چاوەڕوانی کڕیارەکانماندا دەبێت". کاتژمێری پشتگیریکراو بە ڕووکاری بەکارهێنەری (One UI) کار دەکات لەگەڵ ڕووکاری یەکگرتووی نوێ بۆ ئەوەی ئەزموونی تەواو نوێ لە کاتژمێرەکانی گالاکسی بڕەخسێنێت. لە میانەی ئەزموونە نوێیەکە: ئەو بەرنامانەی لەسەر مۆبایلە هۆشمەندەکەت دابەزێندراون ،ڕاستەوخۆ و خێرا

دایاندەبەزێنێتەوە بۆ سەر کاتژمێرە هۆشمەندەکەت. یان ئەگەر تۆ پێشتر بەرنامەی چاودێریت داناوە لەسەر مۆبایلەکەت بۆ بینینی کات لە شارە جیاوازەکانی جیهان، ئەمە بە خۆکاری لەسەر کاتژمێرەکەت دەردەکەوێت. ئەگەر تۆ پەیوەندی و نامەکان لە کاتژمێرەکەت ڕابگریت، ئەوا بە هەمان شێوە لە مۆبایلەشتدا ڕادەگیرێت.

هەروەها، سەکۆی یەکگرتوو تایبەتمەندی نوێ دەکاتەوە، لەگەڵ تەواوکاری کارکردن لەگەڵ بەرنامە بەناوبانگەکانی لایەنی سێیەم کە لە "Google Play" بەردەستن. جا تۆ هەواداری وەرزش و لەشجوانی بیت و پێویستت بە بەرنامەی زیاتر بێت، وەک Adidas Running و GOLFBUDDY Smart  Caddy و Strava و Swim.com ، یان بتەوێت چێژ لە شێوازی ژیانی هاوسەنگتر لەگەڵ بەرنامەکانی وەک Calm یان Sleep Cycle ببینیت، یان حەز بە دۆزینەوەی هونەرمەندانی نوێ لەسەر Spotify و YouTube Music بکەیت، یان ڕۆحی گەڕانت هەبێت بۆ گەڕان بە بەکارهێنانی نەخشەی گوگڵ  " GoogleMaps"، ئەوا ئەم سەکۆیە زۆرترین سوود بۆ هەموو کەسێک پێشکەش دەکات، بە بوونی هاوبەشی زۆر و جۆراوجۆر لە کۆمپانیاکان بۆ کارکردن تیایدا.

سەمیر سەمەت، جێگری سەرۆکی بەڕێوەبەرایەتی بەرهەمەکان لە گووگڵ ، ڕایگەیاند:"سامسۆنگ و گوگڵ مێژووییەکی درێژی هاوکارییان هەیە، و ئەزموونی کڕیارەکانمان زیاتر بەرزدەبێتەوە لەگەڵ زیادبوونی ئاسۆی هاوبەشیەکانمان. ئەمە بێگومان بەهەمان شێوە بەسەر ئەو سەکۆ نوێیە یەکگرتووەدا جێبەجێ دەبێت کە بۆ یەکەم جار لە سامسۆنگەوە لە کاتژمێری گالاکسی نوێ دا دەناسێنرێت. بە هاوکاری ئەم کۆمپانیایە، ئێمە دڵخۆشین بە دابینکردنی تەمەنی درێژتر بۆ پاتریەکان، و کارایی خێراتر وژمارەیەکی فراوان لە بەرنامە بەردەستەکان، لەوانە زۆرێک لە گوگڵەوە، کە ئەمەش ئەزموونێکی لەبیرنەکراو دەڕەخسێنێت".

جگە لەوەش سامسۆنگ دیزاینێکی باشتر بۆ ڕووکاری کاتژمێرەکە پێشکەش دەکات، وە دەبێتە هۆی ئاسانترکردنی دیزاینی ڕووکارەکان لەلایەن گەشەپێدەرانەوە وەک لە پێشتر. وە لە داهاتوودا دیزاینەرانی ئەندرۆید دەتوانن توانای داهێنانەکانیان و دیزاینە نوێیەکانیان زیاتر بکەن بۆ ئەو ڕووکارانەی کە دیزاینی دەکەن و دەچنە ناو کۆمەڵەی ڕووکارەکان لە سامسۆنگەوە، ئەوەش بژاردەی زیاتر دەداتە بەکارهێنەران بۆ سوود وەرگرتن لە کاتژمێرە هۆشمەندەکانیان، کە لەگەڵ پێداویستی و چالاکی و کەسایەتیاندا بگونجێت.

کاتژمێری گالاکسی نوێ یەکەم بەرهەم دەبێت کە هەڵگری ڕووکاری بەکارهێنەری One UI بێت لە سەکۆی یەکگرتووی نوێ کە لە بۆنەیەک لەم هاوینەدا لەلایەن سامسۆنگەوە ڕێکدەخرێت ئاشکرا بکرێت لەژێر ناونیشانی Unpacked، سامسۆنگ کڕیارەکانی بانگهێشت دەکات بۆ ئەوەی چاویان لەسەری بێت بۆ ڕاگەیاندنی ئەو کاتژمێرە نوێیە و زۆر شتی تر.