ئەو ئۆپراسیۆن و هێرش و پەلاماردان وسووتماکردنی خاک و چۆلکردنی گوندو ئاوایی و شەهیدکردنی پێشمەرگە قارەمانەکانی کوردستان وبۆردومانی بەردەوام لە سنووری جوگرافیای پارێزگای دهۆک وهەولێر دەگوزەرێیت ، بەتایبەتیش لەسنووری دەڤەری بادیناندا، هی ئەمرۆ نین .
بەڵکولە ئاگردانی چێشتخانەی ناوەراستی هەشتاکانی سەدەی پێشووەوە ئاگریان بۆخۆش دەکرێ ووا ئێستا بە بەتین وتاوەوە جۆش دەدرێ .
ئەوەیان مانۆری راستەقینەی ئاین و ئۆنی سیاسی زنجیرەی سێیەمی هێرش و پەلاماردانەکانە ، بەرەوە ڕووی هەولێری پایتەخت دەبێتەوە .
دوای پەلاماروهێرشی داعش وماعش وپەلاماروهێرشی بێ ئەمانی حەشدومەشد و سوپای عێراقی لە 16ی ئۆکتۆبەر لە(پردێ و مەخمورو سحێلادا ) ، بادینان زنجیرەی سێیەمی ئەم دەیەیەی دواییە .
لەم جۆشدانەی(چێشتی مجێوری هەشتاکان) دا،چ حافزئەسەدی رژێمی سووریا چ سەدامی رژێمی پێشووی عێراق،ئەوەندەی تەمەن بواری دان، ئەوان سپۆنسەری سەرەکی کۆمپانییە زەبەلاحەکەی ڕووسیای دواساتەکانی ڕوخانی سۆڤیەت بوون ، بۆ دژایەتی کردنی نەیاران و دژەکان، بەفیتی مۆسکۆ لە بیقاع و قەندیل و دۆڵی زابدا لە ئامادەباشی دابوون .
قازان پڕبوو لێی رژا، بە جۆرێ سەرقەپاغی مەنجەڵەکەی پرۆسترۆیکا و گلاسنۆستی گۆرباتشۆف، مەنجەڵی (دێییە گەورە ماڵوێرانەکەی سۆڤیەتی) وا وڵاکردەوە، مەگەردواترفلادمێر پوتین توانیبێتی کۆدی گرفتەکان لە (جۆرجیا، ئۆکراینا ،ئەرمینیا، ئازەریا ،شیشان ،ئەفغان،تورکیا، مەڵدۆڤیا، بێلارووسیا، سووریا،عێراق، لیبیا، یەمەن..تد )بخوێنێتەوە
بەجۆرێ ئەو هەموو کۆدانەکۆ بکاتەوە ڕووسووری بۆ ڕووی (ڕەشییا)ی روسیا لەبەرامبەر یارزانی کۆنیینە (بەریتانیا) وهی تازەش ( ئەمریکا ) بگەڕێنێتەوە .
لەو یارییەی نێو ئەو هاوکێشەیەدا ، تا ئێستا رووسیای سەردەمی پۆتین دۆڕاوی یاریی هەشت ساڵەی شەری( ئێران وعێراق) و هەردوو جەنگی کەنداوە ،تا ئێستا رووسیا دۆڕاوی شەری بن لادنی ئەفغانستانە ، هەروا تا ئێستا رووسیا دۆڕاوی شەڕی سووریاو لیبیایە و لە ئوکرایناش دا تا ئێستا جگە لەداگیرکاری چەند شارێک ودوورگەی کریم دا ئەو هەر لەململانێ دایە .
مڵملانێکە وا لێرەیە ، ئێران یاریزانە سەرەکییەکەیە بە سپۆنسەری رۆژهەڵاتە زڵهێزەکان و بە ئاگاداری بەریتانییەکانیەکان.
ئێران مەبەستیەتی (پان ئێرانیزم ) پانو پۆرتر بکا ،لەولاوەش ، تورکیا بە نوێنەرایەتی ئوممەی عەرەبی ئیسلامی مڵی ناوەتە بەر، راست و چەپ مەبەستیەتی( پانتورکیسیزم) فرەوانتر بکات.
لەم نێوەندەدا ( ئیمپرالیزم وبرجوازیزمی )، (مارکیسی و ستالیزم) دوو سپۆنسەری ڕەنگ کاڵبووەی ئەودیوی هاوکێشەکەوداینەمۆکەن ، دوورلە ململانێی شارستانیەت وئاینخوازی ئاینوئۆنی سیاسیی وناشیرینکردنی یەکتری وپاوانخوازی و بریکاری و قۆرغکاری و دۆزینەوەی بازاری سەردەمیانە بۆ کاڵای بازرگانی وئابووری .
ئێستا یارییەکە لەدەوروبەری هەولێرودهۆک زنجیرەی سێیەمی سیناریۆکەیە وابەجۆرێکی دیکەو تامبۆی جاران دەگوزەرێ ، حەق وانییە هیچ لایەن وکەس و هێزێکی کوردی پێ لەتەختەی چرووک بنن .
گەر لە تێگەیشتنی دژو نەیارانی هەولێردا، گەرهەولێر گەمارۆش درابێ ، هێرشی ناڕەواشی بێتە سەروزیاتریش ئازار بدرێ و زیاتریش تەنگەتاوبکرێ، بازنەی ئایندەبینی فرەوانترە و ووردتر ئایندە دەبینێ .
ئەوە هەولێرە ..
تاران و ماران نییە ، ئەنقەرەو مەنقەرە نییە ، دیمەشق و میمەشق نییە ، بەغدا و مەغدا نییە ، مۆسکۆو لەندەن و واشنتۆن نییە ، تا قیڕوسیا بێتە ناوهاوکێشەکان . هەولێر.. لەکاتێکدا بە ئامانجگیراوە،لەیارییەکەوباگڕاوەندنی سیناریۆی یارییەکان تێدەگات ، سەرکەوتن و قازانجی لە بەرخودان وخۆنەچەماندنەوەیدایە .
ئەوەیان راستی هاوکێشەکەیە ، تێگەیشتنی تەواوە ، لەو هەموو ئەوبابەتانەی لەو دیووی پەردەوە دەگوزەرێن .
ئەوەیان چەن راستییە، ئەوەندەش نهێنییە ، تاران و ئەنقەرە ، بەغداو دیمەشق ، مۆسکۆ ولەندەن و واشنتۆن و پایتەختانی دیکەی جیهانیش درکیان پێکردووە .
هەولێر خەبات و تێکۆشانی لە پێناو پرسێکە ، دۆزێکە خودی پرسەکە ، ڕەوایەتی مرۆڤانە وپشتیوانی کۆمەڵگای نێودەوڵەتی وکوردستانی بوون و پێشینەی مێژوویی لەمێژینەی خۆیی هەیە .
ئیدی.. ئەلفێک بۆ کوردستانیان بەسە ..
هەولێر هەردەم لەبەرخودان دایە ،نەچەماوەتەوە و ناچەمێتەوە ..
هەولێر هەر بە ئامانجی نیشتیمانی نەتەوەیی خۆی دەگات . درەنگ یا زوو .
ئەوەی زۆر گرنگ و جێی بایەخە بۆئێستای ئەم سەردەم و قۆناغە ..
وا دەخوازێ لە کەمپینی نیشتیمانی کوردستاندا هەموو پارت وحزبەکانی نێو حکومەتی هەرێمی کوردستان لەزنجیرەی سێیەمی ئەم سیناریۆیەدا، پشتیوان وهاوکاری زیاتری هەولێر بن .
هەولێر 12-6-2021