ده‌ڤه‌را باتیفاژى به‌ر ب ستراتیژیه‌تا كش وماتا توركیایێ دكه‌ڤیت ..!!
بەختیار عەلی
جۆگرافیا ده‌ڤه‌را باتیفا ل سنوورێ پارێزگه‌ها دهۆكێ گرنگیه‌كا تایبه‌ت هه‌یه دشه‌رێ چاره‌نڤیس نه‌دیارێ دناڤبه‌را ده‌وله‌تا توركیا و چه‌كدارێن پارتا كاركه‌رێن كوردستانێ (pkk) ێدا .. و گه‌ر فۆكسا خۆ دانینه سه‌رگرنگیا ڤى ده‌ڤه‌رێَ وهه‌مبه‌رى پارچه‌یه‌كا عه‌ردى لسه‌ر نه‌خشه‌یا یاریا شه‌تره‌نجێ بكه‌ین..!، دێ تایبه‌تمه‌ندیێن ڤى ده‌ڤه‌رێ بینین كۆ نێزیكى هه‌رچار چارگۆشه‌یانه ئه‌وێن دكه‌ڤنه سه‌نتراڵا گۆره‌پانا جه‌نگى لسه‌ر وێ نه‌خشێ، كۆ براستیژى گرنگیا خوه هه‌یه بۆ هه‌ردوو بهه‌ڤچۆیان، وبتایبه‌تژى بۆ توركیایێ، دهێته دیتن كۆ توركیا ببه‌رده‌وامیا ئۆپه‌راسیۆنێن خوه ودانانا چه‌ند بنگه‌هكێن سه‌ربازى وجێگیركرنابه‌شه‌كێ ژله‌شكه‌رى دناڤا سنۆرێ هه‌رێما كوردستانێدا، بهێجه‌تا ژناڤبرنا وى هێزێ، نیاز هه‌یه‌ل ئایینده‌دا كار لسه‌ر دیمۆگرافیا ده‌ڤه‌رێ بكه‌ت..!!
سه‌خمه‌راتى داخوازیا حكۆمه‌تا هه‌رێمێ یا به‌رده‌وام ژهه‌ردوو لایان ناكۆك بۆ ڤه‌گۆهاستنا شه‌رى بۆ ناڤا تۆركیایێدا، تشتێ هه‌ره سه‌یر ئه‌وه كۆ هه‌ڤركى وجه‌نگێ هه‌ردووئالیان، سنوورێن یاسایێن ده‌ولیژى به‌زاندیه ئه‌وێن هاتینه دارشتن ژبۆچه‌وانیا داخوازكرنا مافێ چاره‌نڤیسێ ومافێ به‌ره‌ڤانیكرنێ.
ئه‌گه‌ر ئاوریه‌كێ بده‌ین وان گوند وناڤچه‌یێن ڤى ده‌ڤه‌رێ كۆ جارجار شه‌ر لێ ده‌ردكه‌ڤیت، بخابنیڤه‌زێده‌ى وان گیانێن كۆ هاتینه ژده‌ستدان ژ ئه‌نجاما شه‌رى و بوردۆمانێ ( نه‌خاسم لڤان دوو مه‌هێن دوماهیێ)، ژبلى كاڤلكرن و وێرانییا ده‌هان گوندان، چ تشتێن دى ل وى مه‌یدانێ نابینین..!! تا وى رادده‌ى كو ژیان لڤان ناڤچه‌یان یا راوه‌ستاى وزیانێن مه‌زن ب مولك وسامانێ وه‌لاتیان كه‌فتیه، ئه‌وێن كو پێتڤى بچاڤدێرى وسه‌خبێریا رۆژانه هه‌نه، ئانكۆ وه‌لاتیێن ڤى ده‌ڤه‌رێ نه كێمتر ژ ناڤچێن دیتر یێن مه‌یدانێن رویبرویبوونێ، باجا ئه‌ڤى شه‌رى وبهه‌ڤچوونێ ددن ..! ویا ژهه‌میێ نه‌خۆشتر ئه‌وه كۆ بمخابنیڤه‌چ ئاسۆیه‌كێ رۆهن نائیته دیتن بۆ بدۆماهى ئانینا ڤى شه‌رى یان ڤه‌گۆهاستنا شه‌رى بۆ ناڤا تۆركیایێدا وزڤراندنا ژیانا بێ ترس بۆ ئاكنجیێن ده‌ڤه‌رێ ...
پسیارا كۆ دئێته سه‌ر زمانى ئه‌وه، ژبلى حكۆمه‌تا هه‌رێمێ كى دخه‌ما ئازارێن وه‌لاتیێن ده‌ڤه‌رێدایه !؟؟.. ئاخر پێكهاتیێن دیتر هه‌ر ژ سریان وئاشوورانژى ..لوان گوندان ئاكنجینه وژبه‌ر پاراستنا گیانیًَن خوه نها پتریا وانا قه‌ستا ناڤا سه‌نته‌رێ شارى كرینه چ باتیفا یان زاخو وتا دهۆكێژى، وژلایێ سازیێن حكۆمى ورێكخراوێن ئه‌هلیڤه بره‌نگه‌كێ كاتى هاتینه نیشته‌جێكرن .
