شەڕی بە وەکالەت و زاڵبوونی ھەیمەنە لە نێوان پەکەکە و تورکیادا.
پەکەکە وەک ھەر حزبێکی دیکە باڵی ھەیە،ئەمانەی دەیانەوێ ھێزی تورکیا پەلکێشی نێو شاری ھەولێر و ناوچە کوردستانیەکان بکەن پێیان دەوترێ باڵی "توندڕەو"ـی پەکەکە ئەمانە ڕاستەوخۆ و فەرمان لەلایەن سپای قودسی پاسداران ئاراستە دەکرێن ئامانجی یەکەمیان نەھێشتنی "قەوارەی ھەرێمی کوردستان" و ھێنانە دواوەی ناسیۆنالیزمی کوردییە.
بە درێژایی دروستبوونی "پەکەکە" گەورەترین کێشەی پێشووەچوونی پڕۆسەی ئاشتی بووە لە پارچەکانی دیکە،ڕێگرێکی سەخت بوو.
ئەمانە بەشکێیان کرێگیراوی دەوڵەتانی اقلیمین و وەک دەستکێش بە دەست نەیارانی کوردستانەوە جووڵەیان پێ دەکرێت!
چما باسی کوردایەتیش دەکەن جیا لەوەش ھێز دروست دەکەن بۆ زیاتر ھاوکاری کردنی ئەو دەوڵەتانە نەک بۆ بەرژەوەندی کوردستان!
ئەمانەی دەوترێت شتانێک نا لۆژیکی نین بەڵکو دەیان جار سەرکردەکانی پەکەکە بە راشکاوی گووتوویانە کە دەوڵەتی کوردی لە ئەخلاقی ئێمەدا نیە ئاڵای کوردستانیش ئاڵای ئێمە نیە!
بە درێژایی کێشە و ناکۆکیەکانی نێوان تورکیا و پەکەکە تەنھا ماوەیەکی کەم پەیوەندیەکانی ھادەپ و حکومەتی تورکیا بەرەو پێشچوو "پەکەکە" بە ماوەیەکی کەم،بارودۆخی باکوری کوردستان شێواند یەک ھۆکاریشی بۆ چارەسەر نەھێشتەوە،بەداخەوە دوای شەھیدبوونی دەیان ھاوڵاتی کورد سەڵاحەدین دەمیرتاشیش دەستگیرا!
پەکەکە جگە لە ھێزێکی زۆر کە لەلایەن کۆمەڵێک خەڵکی ئاراستەکراو بەڕێوەدەبرێ چی دیکە نیە جگە لە قسەی بێ کردار و بەکرێگیراوی کۆمەڵێک دەوڵەت ھیچ ئامانج و فکرێکێان نیە!
کێشەکە ئەوەیە پەکەکە:
لە باکووری کوردستان:
دژی تورکیان بەڵام ناتوانن لەیەک شاری (تورکی)ا چالاکی بکەن ئەوەی دەیکەین دەبێتە ماڵوێرانی بۆ خەڵکی ناوچەکانی باکوور،ھەموو جووڵانەوەکیان لە بەرژەوەندی ئەواندایە.
لە باشووری کوردستان:
کێ دژی حکومەتی ھەرێم بێت لەگەڵ ئەوەن کێ دژی پێشمەرگە و ئاڵا و پیرۆزیەکانی خاک بن لەگەڵ ئەوەدان ،دەستیان لە ئاژاوە و تێکدەری و نائارامییەکان ھەیە،ھەر شوێنیک پەیوەندی بە ئەوانەوە نەبێت دێن و ئاژاوەی لێ دەنێنەوە!
لە ڕۆژئاوای کوردستان:
ھەموو جووڵەکانی حزبە سیاسیەکانی ڕۆژئاوایازەڕبی سفر کردەوە بە کارە نا پێویستیەکانیان ، ئاڵای کوردستانیان سووتاند ، ئاڵای سوریان ھەڵکرد، بارەگاکانی ئەنەکەسەیان سووتاند کادر و لایەنگرانی پارتیان شەھید کرد!
لە ڕۆژھەڵات ھیچ دەورێکیان نیە.
ھێزیان دروست کردبوو بەڵام دژی حکومەتی ئێران نا بەڵکو ڕاستەوخۆ بۆ ھاوکاری حکومەتی ئێران بە ناڕاستەوخۆی ، تەنانەت نەیان توانی زیان بە یەک کەس بگەیەنن کە لە بەرەی حکومەتی ئێران بوو چیان دەکرد؟ دەچوون پاسداریان لەسەر ڕێگەکان دەکوشت دواتر ھەر خۆیان ھاوکاری ئیتلاعات و پاسداریان دەکرد ڕۆڵەکانی ڕۆژھەڵاتیان تاوانبار دەکرد و بە گرتنیان دەدان!
لە عێراقیش کێ دژی کورد بێ ھاو دۆستی بە نموونە لەگەڵ حەشد و ھێزە میلیشیاکانی عێراقی بەینیان خۆشبوو!
لە ئێران دۆستی دێرینی پاسداران و سەرکردەکانیان ئەندامی باڵای سوپای قودسن!
پاسەوانی بەرژەوەندیەکانی ئێرانن لەناوچەکە
لەگەڵ حیزب اللە و ئە ھێزانەێ دەستکێشی ئێرانن دۆستە!
مرۆڤی بە ویژدان شتەکان گشتی ناکاتەوە چونکێ لە ھەموو شوێنێک باش و خراپ ھەیە پەکەکەش ھەر بە ھەمان شێوە بەڵام کێشەکە ئەوەیە پەکەکە بکەی بە چوار بەشەوە سێ بەشیان سیاستەکانیان لە ژێر پرسیاردایە بە کورد بوون و نەتەوەیی بوونەوە نیە ئەوەی کە دەمێنتەوە قوربانی دەستی ئەو بەکرێگیراوانەیە!
باسی تورکیا ناکەین چونکە تورکیا ھەر لە کاتی ڕیفراندۆمەوە دژی کورد و کوردستانە ئەوان دەوڵەتێکن بە ئاشکرا دژایەتیەکانی خۆیان ڕاگەیاندووە بەڵام کێشەکە پەکەکەیە ھەرچی کاری خراپ و قێزەونە دەیکەن و کوردایەتیمان پێ دەفرۆشنەوە ،وەلێ خەڵک ئێستا ھۆشیارە باش دەیان ناسێ..
پەکەکە،بووەتە سەرئێشە و فاکتەری نائارامی ناوچە سنووریەکان بەجێی ئەوەی سوپاسی خەڵک و حکومەت و خاکی کوردستان بکەن،کە داڵدەیان داون و ڕێز لە جووڵانەوەکانیان دەگەن،کەچی بێ ویژدانانە و دوژمناکارانە ھێرش دەکەنە سەر حکومەت و خەڵکی کوردستان،بێ شک دەرەنجامی ھەموو دوژمناکارییەک شکستە،داخ و کەسەر لایەنێک خۆی وەک کورد بناسێنێت ئەم ڕووحیەت و عەقڵیەتە سڕاوەی شەڕی ناوخۆیی پەیرەو بکات.!
بە یاسا دەبێت سنورێک بۆ ئەم کردە خراپانەی ئەمانە دابنرێت کە بوونەتە ھۆی ماڵوێرانی و تێکدانی ژیانی ھەزاران ھاونیشتمانی ئەو سنوورانە،شەھید کردنی پێشمەرگە دواین تاوان و دەستدرێژی پەکەکە بۆ سەر ھەرێمی کوردستان...