گوڵان میدیا
لەگەڵ نزیكبوونەوەی وەرزی دوورینەوەی گەنمی جوتیاران دووبارە مەترسی سوتاندنی كێڵگەكانی گەنم چۆی جوتیاران سەریهەڵداوەتەوە ، لەمبارەیەوە گوندنشینەكانی ناوچە جێناكۆكەكان بەتایبەتی لە پارێزگای كەركوك مەترسی ئاگركەوتنەوەیان لەكێڵگەكانیان هەیە و لایەنی حكومەتیش توانای كۆنترۆڵكردنی ئەو رووبەرە فراوانەی نی یە . هەر لەم هەفتەیەدا 50 دۆنم زەوی لە بەرووبوومی گەنمی جوتیارانی پارێزگای نەجەف ئاگری گرت و زیانێكی گەورەی بەجوتیارەكان گەیاند، لەپارێزگای دیالەش چەند كێڵگەیەكی گەنم سوتێنرا. جوتیارەكانی پارێزگاكانی كەركوك و دیالە مەترسی دووبارە بوونەوەی سیناریۆكانی ئاگرتێبەربوونی كێڵگەكانیان هەیە بەتایبەتی لەگەڵ تەشەنەكردنی كاری گروپە چەكدارەكانی داعش و بڵاوبوونەوەی میلیشیاتە چەكدارەكان كە كێڵگەكانیان دەبێتە ناوەندێكی شەڕو ئاگرتێبەربوون .