هەر پەرلەمانتارێکی پەرلەمانی کوردستان ئەگەر دەمشڕ و دەمدرێژ بوو، ئەگەر موزایەدەچی و سرک و چەمووش بوو، ئەگە هەڵەوەڕ و جنیوفرۆش بوو، ئاژاوەگێڕ و فەوزاچی بوو، ئەگەر هاندەری خەڵک و خۆ ماتکەر بوو بیاننێرنە بەغدا، لەوێ وەک ماستی مەییویان لێدێ و باری گوێزیان لێ بارکەی خڕەی لێنایە، لەوێ بە حەیا و ئەدەب دادەنیشێ، ئەگەر وەک شیعە دەیەوێ وا نەکەن دەکەونە بەردەم چەند ئەگەرێک.
ئەگەری یەکەم:ــ وەک ئێستای یوسف محەمەد کە لە پەرلەمانی کوردستان زمانی مەترێک درێژ بوو، لەوەتەی چۆتە بەغدا لێفەی بیدەنگی بەسەر خۆی هەڵکێشاوە و چورتەی ناکات.
ئەگەری دووەم:ــ دەبێ دژی کوردبوون و کوردایەتی بوەستنەوە و وەک ئێستای ئەحمەدی حاجی رەشید و غالب و وشیار و .. خۆیان بفرۆشن و بەیانی دڵسۆزی و پالەندبوون بە پەیامی عرووبەوە دەرببڕن.
ئەگەری سێیەم:ــ ئەگەر وەک یوسف محەمەد لێفەی بێدەنگی بەسەر خۆیان هەڵکێشن و وەک ئەحمەدی حاجی روشید و غالب و وشیاریش دژی کوردبوون و کوردایەتی بوەستنەوە و خۆشیان بفرۆشن، لە هەر ئانوساتێکدا دەبێ چاوەڕوان بن وەک ئاڵا تاڵەبانی و ئارامی شێخ محەمەد بەبێ پاپووچ و چاکەت بیننێنەوە کوردستان.