کومەل کوژیێ ئەنفال ل سالا ١٩٨٧ بو کو زورتر ژێ سەد و ھەشتێ ھزار ھاوولاتی کورد بونە قوربانی. زورتر ژێ ٣٠ سالان بوری، و ئەم ھەر سال بیرا قوربانیێن ئەنفالان ساخ دکەینەوە، ئەڤە برینەکە کو ھەر سال نوی دبیتەوە، ئەو کومەل کوژیە کو زارووک و ژن و زەلام و خودان عەمر ھەمی پێکڤە ژ ناڤ برن، سیاسەتا رەگەز پەرەستانەی حکومەتی عیراق کو کوردێن مە ب چەکی کوشەندەیی کیمیا بارانکرن و کومەل کوژی و زیندە ب ئاخ کرنا وان، کو ژبەر ڤێ چەندێ مە گەلەک شەھید دان. تنێ گونەھا وان ئەڤە بو کو کورد ھاتینە سەر دنیایێ، ئەو شوفینیەتا کو عەرەبا ھەمی دەمێ دژی کوردان بکار ئینایە و ھەردەم خو باشتر دانایە و کوردستانا مە پارچە پارچە کرن و ھەر دەولەتەکێ پارچەکا عەردێ مە بو خو برن، ھەر جار پیلانەک دژی کوردان ئەنجام دان، ژیان بو کوردان وەکو گورستانەکێ لێ کر، ئەوان ڤیان کو کوردان بنبر بکەن و نەھێلێن و بو ڤێ ئارمانجێ چ دەرفەت دەست خو نەکرن، لێ کورد ھەر مان و زێدەتر لێ ھاتن و بو مافێن خو شەر کرن و بەردەوام مان کو مافێن خو ئێک ب ئێک ل وان دەولەتانە وەربگرن، ڤێتن کومەلگەھێ نیڤ دەولەتی ب جددی لسەر ڤێ چەندێ راوەستیێت، بو جینوساید ناساندنا ئەو درەندانەیە و قەرەبو کرنا قوربانیان، ب جورەک ل ئاستی قوربانیدان و مێژوویێ بیت. رژیمی سەدام حسین پشتی وان کارەساتێن ئەنجام داین، زیندە ب ئاخ کرنا خەلکێ کوردستانێ و کیمیا باران کرنا وان، پشتی بورینا سالان ھەیڤانە لاشەیێن وان بن عەردی دئینانە دەرێ. ئەو کەسانە کو سالانەکی زور مال و خێزانێن وان، ھەمی ل ھیڤیا وان بون کو روژەکێ بگەرێنەوە و سەرەرای ڤێ چەندێ کو دزانی زیندی یێن بن ئاخ کرین لێ ھەر ھیڤیێ بون کو روژەکێ دەرکێ مالێ ب قوتن و وان لێ خەریبیا و ئازارا نەبونا وان دەربینن. لێ چو جاران ئەو ھیڤیە نەھاتە دی.
نێچیرڤان بارزانی، سەروک وەزیرانی ھەرێمی کوردستان ل پەیاما خو دا راگەھاند، قەرەبو کرنا وان ڤێتن کاری سەرەکی یێ دەولەت و حکومەتی عیراق بیت، ئەڤە پرسەکی ئەخلاقی و مێژوویی یە بو رێگری کرن ل ھەر ھێرشەکی ھاوشێوەیی وەکو ئەنفال دروست بیت و دروشمی ((نەژاد پەرستی و نەتەوایەتی و ئایینی یان ئایدولوژی سیاسی)) بیت،
بلا ھەر روژ بیرا وان بکەینەوە و بشێن ژیارا خێزانێن وان خوش بکەین، ئاریشێن وان چارەسەر بکەین.
ھەردەم حکومەتا عیراقێ بریارێن تاکلایەن ئەنجام دایە و بیێ کو چ حیسابەکێ بو کوردان بکەت و ڤیایە ھەرێما کوردستانێ بێ ھێز بکەت و چ دەسەلاتا بو نەھێلیت و ئەڤە ژی تشتەکە کو مستەحیلە چونکی دروشمی کوردان ئەڤەیە ((یان کوردستان یان نەمان)).