ڤان رۆژا مژارا گەشتوگوزار زۆر دھێتە گەلالەکرن وەکو سامانەکێ ڤەژاندنێ نەمازە ئەم ئەڤرۆ زۆر پێدڤی ب بیاڤێن وەبەرھێنان و ئەکتیفا خۆیەتی نە، گەشتوگوزارا مە ژی ل ھەرێما کوردستانێ، ھەکە بھێتە سەخبێریکرن دێ مفایەکێ باش ژێ ھێت چونکو سالانە ب ھزاران گەشتیار قەست دەکەنێ تایبەت ژ عیراقێ وژێریا عیراقێ، چونکو بەری سالا نۆتێ و شەرێ رزگارکرنا عیراقێ و شەرێ کۆێتێ و سەرھلدانا پیرۆز یا گەلێ مە یێ پەتەسەر و خوەدی دەردەسەری، بیرا مەھەمیان دھێت خوە ژ وەلاتێن کەنداڤی قەستا کوردستانا عیراقێ دکرن و مفایێن زۆر د گەھشتنە حوکمەتێن ھینگی، بەلێ نھا و رەخنەک دھێتە گرتن ل سەکتەرێ حکومی کو خەمساریەک دھێتە کرن د د بیاڤی دا، خزمەتگوزاری نینە و سەخبیریا ڤی سەکتەری ناھێتە کرن، بەلێ ما بۆچی راستی ناھێتە گۆتن، کا کی ئەگەرە ھند دەڤەرێن جوان و سروشتەکێ جوان کو دبێژنی گەشتوگوزاریا سروشتی (ئیکۆتۆریزم) ھەموو دزانن یێن بووینە جھێن ئاکنجیبوونا پەکەکێ و ئوپەراسیۆنێن وان یێن سەربازی ل دژی لەشکرێ تورکیا، ئەو جە و دەڤەر ھاتینە شێواندن و ناڤودەنگی یا وان چەندین سالە ھێلاینە بێ بەرھەم، کەس ژ گەشتیاران نەوێرن قەست بکەنێ، تایبەت ژی پشتی چەندین ھەڤوەلاتیێن بیگونەە بووینە قوربانی لێدانێن فرۆکەیان ب بەھانەیا لێدانا شەرڤانێن پەکەکێ، ھەکە بھیێن و بھەژمێرین کا چەند زیانێن ماددی ژبلی یێن گیانی ھەلبەت ( ب سەرێ خوە) دێ گۆژمێن دراڤی یێن مەزن ھێنە کێمکرن ژ داھاتێ ھەرێما کوردستانێ. چونکو چاڤدێریکرنا ڤی سەکتەری نەک تنێ دکەڤیتە ستویێ حوکمەتێ بەلێ ھەروەکو نڤیسەرەکی بەری چەند رۆژان نڤیسی کو حوکمەت نەشێت بارێ ھەموو گوزارێ ھلگریت، بەلکی گرنگە کەرتێ تایبەت ب ھەموو جۆرێن وێڤە بکێشیتە ناڤ پرۆسێ، ئەڤجا ھەکە ژ دەستێن حوکمەتێ دەرکەفت ژ بەر مایتێکرنێن وەلاتێن مەزن، کو ب ھەجەتن زیانێن مەزن بگەھیننە کوردان ب ئەگەرەکی و ئێکێ دی، سەکتەرێ تایبەت دێ شێت چ کەت؟! چنکو ب راستی ژی و ب تایبەت کەسێ سەرۆکێ حوکمەتا ھەرێما کوردستانێ نێچرڤان بارزانی دەلیڤەیێن باش بۆ کەرتێ تایبەت ھێلاینە کو رۆلەکێ کارا بگێرن بۆ وەبەرھێنانێ و لەیزاندنا رۆلەکێ بارزگانی یێن ئەکتیڤ نەمازە درووشمێ وی ئەوە بۆ پۆستەکێ نوو یێ سەرۆکاتیا ھەرێمێ بەر ب کورستانەکا ب ھێز!!. ئەڤ ھێزە ژ بیاڤێ ئابووری دێ ب ھێز کەڤیت، بەلێ ما ئەڤ حزبێن ناڤخوەیی یێن ئوپوزسیۆن وەسا ل بەر حوکمەتێ دراوەستاینە کو نکارە رۆلێ خوە بگێرن، ئەڤجا تەدڤیت حزبەکا نە دھەرێما کوردستانێ دا، چ ب سەرێ خەلکی بینیت. ژ بلی رەڤاندنا کچ و کورێن بێگونەە ل ناڤا کەمپان ب ھەر رێیەکا ھەبیت دا کو بزۆری بکەنە شەرڤان، ئەڤ سەکتەرە دبیتە قوربانی، ڤێجا دێ بێژن بلا
سازیێن گەشتوگوزارێ نەخشە و پلان ھەبن بۆ پاشەرۆژێ، ما ئەڤ ململانێن سەربازی یێن تورکیا و پەکەکێ ل ناڤ مال و مولک و ئەرد و سروشتێ مەیێ جوان دا، ھەما چو نەبیت، ژینگەھا مە ھەموو کریە تەمەدوی و دیکێلا تۆپ و تەیاران، یان زالگەھێن پەکەکێ ل ڤێرە و وێرا ھەنێ نابیت ژ ڤی سنۆری ببووری، مانە داگیرکرنە بۆ ئەرێن مە، راستە برایێن مەنە و کوردن، بەلێ برا برایە و بازار یا جودایە وەکو دبێژن، خەبات و ھەستا نەتەوەی و ئەڤ درووشمێن تەیسۆک دبنە ئەگەر کو ژیوارەکێ ریالیزم بکەڤیتە د ناڤ کێلبێن ھەژاریا خەلکێ بێگونە و کێم دەرامەتی و گیان و سامانێ وان گوندان بچنە سەر پشتا ماسیێ و نانێ وان بکەڤیتە تەقلەقێ!.