مرۆڤ له‌سه‌ر بنه‌مای ئیراده‌ی به‌هێز پۆلاین ده‌توانێت رووبه‌روو ببێته‌وه‌، سه‌روه‌ری بۆخۆی تۆمار ده‌كات، ئاخر مرۆڤی له‌م چه‌شنه‌، كه‌ یه‌ك رۆژ نانی نه‌بێت په‌لاماری هه‌رچی مووقه‌ده‌سات و پیرۆزی بدات و بیخاته‌ ژێر پێی چۆن ده‌توانێت رووبه‌رووی له‌شكرێكی وه‌كو توركیا ببێته‌وه‌، سنوری بێ رووی و دوورووی ئه‌م جۆڕه‌ به‌رهه‌مه‌ی سیاسه‌تی حزبی سلێمانی، به‌شی یه‌كم مه‌تری به‌رده‌م پێی خۆیان ناكات، ج جا شه‌رێك كه‌ دۆخێك دروست ده‌كات، كه‌ لێكه‌وته‌كانی شایانی مرۆڤی به‌ئیراده‌ و به‌هێز ده‌وێت، نه‌ك مرۆڤێك له‌ ته‌نها یه‌ك كاتژمێر برسی بوون، هه‌موو به‌هایه‌كی ئه‌خڵاقی تێدا بفرۆشێت،
شه‌ڕ له‌گه‌ڵ توركیا نه‌ك ته‌نها قه‌یرانی دارایی و ده‌روازه‌ی سنوری، به‌ڵكو كوشت و كوشتارێكی زۆری ده‌وێت، به‌ڵام پرسیار ئه‌وه‌یه‌، ئه‌رێ ئه‌م جۆڕه‌ مرۆڤانه‌ ئاماده‌ن بۆ وه‌ها دۆخێك؟ ئه‌رێ ئه‌م جۆڕه‌ مرۆڤانه‌، هی ئه‌وه‌ن گره‌وی شه‌ڕێكی وه‌هایان له‌سه‌ر بكرێت؟
ده‌ی ئه‌مه‌ پێناسه‌ی راسته‌قینه‌ی خاڵی لاوازه‌كانی ئه‌م هه‌رێمه‌یه‌، نه‌ك هاتنی سوپا توركیا بۆ گوندێكی ناو هه‌رێمی كوردستان...