سەرۆک کۆماری ئێستای تورکیا (ئاردۆگان) سەرکردایەتی محوەرێکی گرینگی (سونەکان) دەکات لە ڕۆژهەڵاتی ناوەڕاست ، کێشەو ململانێکان و پێکدادانەکان لە ئاییندەی ناوچەکە و دۆخی دوای داعش و قۆناغی نوێی ناوچەکە ڕێگا بەوە نادەن کە ڕێککەوتنێکی (تورک ، ئیران)ـی، هەبێت لەسەر ڕاگرتنی باڵانسی هێزی هەردوولا بەیەک جۆر ، هەردوولا هەڵەن ئەگەر لەسەر ئەساسی دژڕاوەستان لەهەمبەر دروستوونی دەوڵەتی کوردستان خۆیان لەیەک نزیک بکەنەوە.
(تورکیا) هێندە پێویستی بە کوردستان هەیە هێندە پێویستی بە (ئیران) نییە ، ئەو کەرب و کینەی ئێستای سەرکردایەتی (تورکیا) لە هەمبەر پرسێکی نێوخۆیی کوردستان زەرەرمەندی یەکەم خودی (تورکیا) دەبێت و پێگەی خۆی لە ناوچەکە لاواز دەبێت.
(ئیران) کۆمەڵێک ستراتیجی جیاوازی هەیە ، کۆمەڵێک ئەکتەری فەعال هەم لەڕووی سەربازی و هەمیش لەڕووی سیاسی کاردەکەن بۆ سەرخستنی ستراتیجەکانی و پێچەوانەی (تورکیا) بۆ بوون بە فاکت لە واقعدا کارییان لەسەر دەکرێت.