ئەمڕۆ دووشەممە سەرچاوەیەكی ئەمنی لە عێراق ئاشكرای كرد لەسەر یارییەكی تۆپی پێ، لە شاری میسان هاووڵاتییەك كوژرا و چواری تریش بریندار بوون.

بەپێی میدیاكانی عێراق، دوای ئەوەی ئێوارەی دوێنێ لە یارییەكی تۆپی پێی میللیدا لە شارۆچكەی بەنی هاشمی سەر سنووری ئێران لە سنووری پارێزگای میسان، شەڕێك لە نێوان دوو یاریزان ڕووی دا، دواتر شەڕەكە تەشەنەی سەند بۆ هەردوو بنەماڵەی یاریزانەكە و ئەمڕۆ لە ئەنجامی ڕووبەڕووبوونەوەی هەردوو بنەماڵەكە، كەسێك كوژرا و چواری تریش بریندار بوون.

جێی باسە ئەمە دووەم شەڕی لەم جۆرەیە لە ماوەی دوو هەفتەی رابردوودا، دوای ئەوەی ڕۆژی ١٤ی ئادار لە باكووری هەمان پارێزگا گەنجێك لەسەر یاری تۆپی پێ كوژرابوو.
basnews -