ئەمڕۆ دووشەممە فەرماندەیەكی میلیشیاكانی حەشدی شەعبی لە شاری سامەرای باكووری بەغدا كوژرا.

دەستەی حەشدی شەعبی لە راگەیاندراوێكدا هەواڵی كوژرانی حەسەن خەلیفە ئەسەدی فەرماندەی فەوج لە لیوای 314ی میلیشیاكانی حەشد بڵاو كردەوە، لەگەڵ كوژرانی چەكدارێكی تری حەشد بە ناوی راسم حجامی لە سامەرا.

هەردوو فەرماندەكە و چەكدارەكەی حەشد لە میانی ڕووبەڕووبوونەوەی چەكدارانی ڕێكخراوی تیرۆریستیی داعشدا كوژراون.

جێی باسە تا ئێستا چەكدارانی ڕێكخراوی تیرۆریستیی داعش لە ناوچەكانی باكوور و ناوەڕاستی عێراق بەردەوامن لە چالاكیە تیرۆریستییەكانیان و ڕۆژانە لەگەڵ چەكدارانی میلیشیاكانی حەشدی شەعبی ڕووبەڕووی یەكتر دەبنەوە.










باسنيوز