تەقینەوەیەکی دیکە بە کاروانێکی سەربازیی هاوپەیمانیی نێودەوڵەتی دژی رێکخراوی تیرۆریستی داعش، تەقییەوە.

بەپێی زانیارییەکان، نیوەڕۆی ئەمڕۆ دووشەممە 29-3-2021، بۆمبێکی چێندراو لەسەر رێگایەکی خێرای پارێزگای زیقار، بە کاروانێکی هاوپەیمانان تەقییەوە.

لە دوو کاتی پێشتری ئەمڕۆشدا، دوو بۆمبی جودا لەسەر رێگای خێرا لە پارێزگاکانی دیوانییە و بابل، کە لەگەڵ زیقار هەرسێ پارێزگا کەوتوونەتە باشووری بەغدا، بە کاروانی هاوپەیمانان، تەقینەوە.

لە بەغدا و زۆرینەی شارەکانی عێراق، بەردەوام هێزەکانی هاوپەیمانان رووبەڕووی هێرشی تیرۆریستی دەبنەوە و ئەمریکاش میلیشیاکانی حەشدی شەعبی بە ئەنجامدانی ئەو هێرشانە، تاوانبار دەکات.












باسنيوز