سبه‌ی وه‌زیرانی ده‌ره‌وه‌ی میسر و ئوردن سه‌ردانی عێراق ده‌كه‌ن
له به‌یاننامه‌یه‌كدا، ئه‌حمه‌د سه‌حاف، گوته‌بێژی وه‌زاره‌تی ده‌ره‌وه‌ی عێراق گوتی: فوئاد حوسێن، وه‌زیری ده‌ره‌وه پێشوازی له هه‌ریه‌ك له ئه‌یمه‌ن سه‌فه‌دی، هاوتا ئوردنییه‌كه‌ی و سامح شوكری، هاوتا میسرییه‌كه‌ی ده‌كات.
ئاماژه‌ی به‌وه‌شدا، "سه‌ردانی ئه‌و وه‌زیرانه‌ی ئوردن و میسر بۆ عێراق، به‌مه‌به‌ستی ئه‌نجامدانی كۆبوونه‌وه‌ی سێقووڵییه له نێوان هه‌رسێ وڵاته‌كه‌دا".
رۆژی هه‌ینی رابردوو، مسته‌فا كازمی، سه‌رۆك وه‌زیرانی عێراق دواخستنی لووتكه‌ی نێوان عێراق، ئوردن و میسری راگه‌یاند، كه بڕیاربوو دوێنێ شه‌ممه له شاری به‌غدای پایته‌ختی عێراق به‌ڕێوه‌بچێت.
k24 -
