سەرۆک وەزیرانی عێراق پەیامێک بۆ گەلی میسر دەنێرێت و سەرۆکی ئەو وڵاتەش بە هەلێکی مێژوویی میسر، ناوزەد دەکات.

مستەفا کازمی، سەرۆک وەزیرانی عێراق لە پەیامێکی ڤیدیۆییدا، رایگەیاندووە، ”سوپاس بۆ خوا“ میسر پێگەی خۆی بەدەست هێناوەتەوە و بەرەو گەشەپێدانی راستەقینە دەچێت.

مستەفا کازمی هیوای خێر و خۆشی بۆ گەلی میسر خواستووە و داوای لێکردوون یەکدەنگ بن و هیچ ”درۆیەکی تائیفی“ لەیەکتر جودایان نەکاتەوە.

سەرۆک وەزیرانی عێراق لەبارەی کەسایەتیی عەبدولفەتاح سیسی، سەرکۆماری میسر، رایگەیاندووە، سیسی ”هەلێکی مێژوویی“ میسرە و ”گرنگیی پێبدەن“.

عەبدولفەتاح سیسی فەرماندەیەکی باڵای سوپای میسر بوو، لە ساڵی 2013 کودەتای بەسەر حکوومەتی ئیخوانەکانی تونسدا کرد و محەمەد مورسیی سەرکۆماری دوور خستەوە و دواتر دادگا بڕیاری زیندانیکردنی هەتا هەتایی بەسەر مورسیدا سەپاند.

بڕیاربوو لە کۆتایی ئەم مانگە، لوتکەی وڵاتانی میسر، ئوردن و عێراق لەنێوان عەبدولفەتاح سیسی و شاعەبدوڵڵای دووەم و مستەفا کازمی، لە بەغدا ساز بکرێت، بەڵام بەهۆی رووداوی پێکدادانی دوو شەمەندەفەر لە میسر، کۆبوونەوەکە بۆ ”کاتێکی نزیک“ دواخرا.













باسنيوز