ئەمڕۆ یەكشەممە یاریزانێكی عێراقی لە پارێزگای میسان لەمیانی یاری تۆپی پێ كوژرا.

میدیاكانی ئەم وڵاتە بڵاویان كردەوە یاریزانێكی گەنج لەمیانی بەشەڕهاتنی دوو تیمی تۆپی پێ لە یاریگەیەكی بچوككراوەی قەزای مەجەر لە سنووری پارێزگای میسان كوژراوە.

شەڕەكە لەناو یارییەكی دوو تیمی گەڕەكەكانی قەزای مەجەردا ڕووی داوە و لە ئەنجامدا یاریزانێكی یەكێك لە تیمەكان چەكی دەرهێناوە و گوللەیەكی لە یاریزانی تیمی بەرانبەر داوە و دەمودەست كوشتوویەتی.

هێزە ئەمنییەكان لێكۆڵینەوەیان لە هۆكاری ڕووداوەكە دەستپێكردووە.












باسنيوز