رێکخراوی هناردەکارانی نەوت (ئۆپێک) رایدەگەیەنێت، عێراق لە مانگی رابردوودا، دووەم گەورەترین هەناردەکاری نەوت بوو لە جیهان.

ئەمڕۆ شەممە 13-3-2021، ئۆپیک لە راپۆرتی مانگانەی خۆیدا، رایگەیاندووە، بەرهەمی 13 وڵاتی ئەندامی رێکخراوەکە لە مانگی 2ـی 2021، کەمی کرد و تێکڕای بەرهەمی رۆژانە 24 ملیۆن و 848 هەزار بەرمیل نەوت بوو، لە کاتێکدا لە مانگی 1ـی ئەمساڵ تێکڕای بەرهەمی رۆژانە 25 ملیۆن و 496 هەزار بەرمیل بوو.

هەروەک ئۆپیک رایگەیاندووە، وڵاتانی نایجیریا، عێراق، ئێران، ڤەنزوێلا، لیبیا، کوێت، جەزائیر، گابۆن و کۆنگۆم کە ئەندامی رێکخراوەکەن، بەرهەمهێنانیان لە مانگی رابردوو زیاد کرد، کە یەکێک لەو نۆ وڵاتە عێراق بوو و لەو مانگەدا بە هەناردەکردنی سێ ملیۆن و 898 هەزار بەرمیل نەوتی رۆژانە، بووە دووەم گەورەترین هەناردەکاری نەوت لە جیهان.





باسنيوز