ئەمڕۆ پێنجشەممە لە پێنج پارێزگای عێراقی لە نێوانیشیاندا بەغدا خۆپیشاندانەكان دەستیانپێكردەوە دوای ئەوە باوكی یەكێك لە رفێندراوانی ساڵی 2019 تیرۆركرا.

خۆپیشاندانەكان لە پارێزگاكانی بەغدا، موسەنا، بابل، میسان و زیقار دەستیانپێكردەوە لەئەنجامی تیرۆركردنی جاسب ئەلھێلچی باوكی پارێزەری رفێندراو، عەلی جاسب.

لەو خۆپیشاندانەدا، پێكدادان لە نێوان خۆپیشاندەران و ھێزەكانی ئەمنی لە موسەنا روویدا و لە ھەندێك پارێزگای دیكە بەریەك كەوتن لە نێوانیان ھەبوو، بەڵام لە بەغدا ھیچ رووبەرووبوونەوەیەك لەنێوان خۆپیشاندەران و ھێزە ئەمنییەكان تۆمار نەكراوە.

دوێنی چوارشەممە، ھەندێك چالاكوان رایانگەیاند، ژمارەیەك چەكدار "جاسب ئەلھێلچی" باوكی "عەلی جاسب"یان لە پارێزگای میسان لە باشووری عێراق تیرۆر كردووە.
k24 -