گوتەبێژی پۆلیسی پارێزگای سەلاحەدین ئاشكرای كرد، گۆڕێكی بەكۆمەڵ لە سنووری پارێزگای سەلاحەدین دۆزراوەتەوە کە ڕووفاتی 20 كەسی تێدایە بڕیارە گۆڕەکە هەڵبدرێتەوە.

عەقید محەمەد عوسمان، گوتەبێژی پۆلیسی پارێزگای سەلاحەدین، ڕایگەیاند: "ئەمڕۆ یەكشەممە 7ی 3ی2021، لە گوندێكی سنووری پارێزگای سەڵاحەدین گۆڕێكی بەكۆمەڵ دۆزراوەتەوە کە هاوسنووری پارێزگای نەینەویە و دەست بە هەڵدانەوەی دەكرێت."

گوتیشی: "ئەو گۆڕە بەكۆمەڵە رووفاتی 20 كەسی تێدایە و پێدەچێت لەلایەن تیرۆریستانی داعشەوە كوژرابن، چونكە ئێسك و پرووسكەکانیان ماوەتەوە و بەپێی زانیارییەکان کاتی کوشتن بۆ دوو تا سێ ساڵی پێش دەگەڕێتەوە."

گوتەبێژی پۆلیسی پارێزگای سەلاحەدین گەیاند: "پاش دەرهێنانی ڕووفاتی ناو گۆڕە بەکۆمەڵەکە و پشكنینی DNA ئامادەکاری بۆ ناشتنیان دەکرێت."












باسنیوز