پاپای ڤاتیکان لە کەنیسەیەکی وێرانبووی شاری مووسڵ وتارێکی پێشکەش کرد.

سەرلەبەیانیی ئەمڕۆ یەکشەممە 7-3-2021، پاپا فرانسیس، پاپای ڤاتیکان بە سەردانێکی فەرمی گەیشتە هەولێری پایتەختی هەرێمی کوردستان.

دوای تەواوبوونی دیدارەکانی لەگەڵ بەرپرسانی باڵای هەرێمی کوردستان، پاپا فرانسیس بەرەو شاری مووسڵ بەڕێ کەوت.

لە گۆڕەپانی کەنیسەی حۆش لە مووسڵ، پاپا فرانسیس وتارێکی پێشکەش کرد و تێیدا رایگەیاند، نزا بۆ قوربانییانی دەستی تیرۆریستان، کرد.

پاپای ڤاتیکان رایگەیاند، تیرۆر کاریگەریی نەرێنی لەسەر هەموو ئایین و نەتەوەکان هەبووە.

پاپا فرانسیس لە کەنیسەی حۆش نوێژ و نزای بۆ گیانی هەموو قوربانییانی دەستی تیرۆر، کرد.

هەرچەندە نزیکەی چوار ساڵە شاری مووسڵ رزگار کراوەتەوە، بەڵام حکوومەتی عێراق هیچ پرۆژەیەکی بۆ ئاوەدنکردنەوەی ئەو شارە بەگەڕ نەخستووە.






باسنيوز