پەرلەمانی عێراق کۆ دەبێتەوە و تاوتوێی 11 پرۆژە و پێشنیازەیاسا دەکات.

بڕیارە کاتژمێر 3ـی ئێوارەی ئەمڕۆ شەممە 6-3-2021، پەرلەمانی عێراق دانیشتنی ئاسایی ژمارە 41ـی وەرزی یاسادانانی یەکەم لە ساڵی یاسادانانی سێیەمی خولی چوارەمی هەڵبژاردنی خۆی، ساز بکات.

بەرنامەی کاری کۆبوونەوەکە:

- دەنگدان لەسەر پێشنیازەیاسای هەمواری سێیەمی یاسای سەندیکای ژمێریاران و وردبینان

- دەنگدان لەسەر پرۆژەیاسای چوونە پاڵ رێککەوتننامەی نێودەوڵەتی بۆ ئامادەیی بۆ رووبەڕووبوونەوەی پیسبوون

- دەنگدان لەسەر پرۆژەیاسای چارەسەرکردنی لە جیاوازیی باج لەنێوان عێراق و کوێت

- دەنگدان لەسەر پرۆژەیاسای هاندان و پاراستنی وەبەرهێنان لەنێوان عێراق و سعودیە

- دەنگدان لەسەر پرۆژەیاسایچوونە پاڵ رێککەوتننامەی نایرۆبی بۆ هەڵگرتنەوەی مین

- دەنگدان لەسەر پرۆژەیاسای چوونە پاڵ رێککەوتننامەی نێودەوڵەتی بۆ رێگرتن لە پیسبوونی دەریایی

- دەنگدان لەسەر پرۆژەیاسای هەمواری یاسای تەندروستیی گشتی

- دەنگدان لەسەر پرۆژەیاسای پاڵپشتیی بەشە ناوخۆییەکان

- دەنگدان لەسەر پرۆژەیاسای هەمواری دووەمی یاسای رێگا گشتییەکان

- دەنگدان لەسەر یاسای خزمەتی مەدەنیی فیدڕالی

- خوێندنەوەی دووەم بۆ پێشنیازەیاسای هەمواری یەکەمی یاسای سەنتەری پلاندانانی شارستانی و هەرێمی






باسنیوز