له عێراق 5 هه‌زار كه‌س تووشی كۆرۆنا بوون و 24 كه‌سیش گیانیان له ده‌ست دا
ئه‌مڕۆ پێنجشه‌ممه 4/3/2021، وه‌زاره‌تی ته‌ندروستیی عێراق، ره‌وشی كۆرۆنای له ماوه‌ی 24 كاتژمێر رابردوودا له عێراق بڵاو كرده‌وه و ئاشكرای كرد، له 24 كاتژمێری ڕابردوودا پێنج هه‌زار و 43 كه‌س تووشی په‌تای كۆرۆنا بوون و 24 كه‌سیش به هۆی كاریگه‌رییه‌كانی په‌تاكه‌وه گیانیان له ده‌ست داوه، هه‌ر به‌پێی ئاماری وه‌زاره‌ته‌كه، سێ هه‌زار و 396 كه‌سیش چاك بوونه‌ته‌وه.
به پێی ڕاگه‌یاندراوی وه‌زاره‌تی ته‌ندروستیی عێراق، زۆرترین تووشبوو له پارێزگای به‌سڕه تۆمار كراوه، كه 972 كه‌س تووشی په‌تاكه بوون، له ئه‌نباریش كه‌مترین تووشبوو تۆمار كراوه، كه 8 تووشبووه.
باسنيوز
