دەزگایەکی کۆریای باشوور نەخۆشخانەیەکی چاودێریی چڕ لە بەغدای پایتەختی عێراق، دروست دەکات.

ئەمڕۆ پێنجشەممە 4-3-2021، ئاژانسی هاوکاریی کۆریای باشوور (کۆیکا) رایگەیاندووە، بڕی 39 ملیۆن و 500 هەزار دۆلاری بۆ دروستکردنی نەخۆشخانەکە، تەرخان کردووە.

کۆیکا هەروەها رایگەیاندووە، لەسەر رووبەری حەوت هەزار مەتر دووجا دەست بە جێبەجێکردنی پرۆژەکە کراوە و باڵەخانەی نەخۆشخانەکە چوار نهۆم دەبێت.

ئەو نەخۆشخانەیە، کە بڕیارە لە ساڵی 2023 قۆناغەکانی دروستکردنی کۆتایی پێبێت، هەشت هۆڵی نەشتەرگەری و 100 قەرەوێڵە بۆ نەخۆشان لەخۆ دەگرێت و 645 کارمەندی تەندروستی دەبێت.












باسنيوز