لە نەخۆشخانەیەکی بەغدای پایتەختی عێراق، دەست بە هەڵمەتی کوتان بە پێکوتەی دژەکۆرۆنا دەکرێت.

سەیف بەدر، گوتەبێژی وەزارەتی تەندروستیی عێراق بە رۆژنامەنووسانی راگەیاندووە، پێکوتەی سینۆفارمی دژەکۆرۆنا بەسەر نەخۆشخانەکانی کەرتی کەرخ و رەسافە و نەخۆشخانەی شاری پزیشکی لە بەغدا، دابەش کراوە.

سەیف بەدر بە ئاماژەکردن بەوەی کوتانی هاووڵاتییان بە پێکوتەی دژەکۆرۆنا لە نەخۆشخانەی شاری پزیشکی لە بەغدا دەستی پێکردووە، رایگەیاندووە، لە 600 بنکەی تەندروستی و 60 نەخۆشخانە، پێکوتەکە بەکار دەهێندرێت.

بەرەبەیانی ئەمڕۆ سێشەممە بڕی 50 هەزار ژەم پێکوتەی دژەکۆرۆنا وەک بەخشین و هاوکاریی چین، گەیشتە بەغدای پایتەختی عێراق.












باسنيوز