کۆمسیۆنی باڵای سەربەخۆی هەڵبژاردنەکانی عێراق، دوایین دەرفەت بە لایەنە سیاسییەکانی وڵاتەکەی دەدات.

ئەمڕۆ پێنجشەممە 25-2-2021، کۆمسیۆن لە بەیاننامەیەکدا رای گەیاندووە، بۆ دەرفەتدان بە لایەنە سیاسییەکان بۆ پێکهێنانی هاوپەیمانێتی لە هەڵبژاردنی پێشوەختەی پەرلەمانی عێراق، ماوەی تۆمارکردنی هاوپەیمانێتییەکانیان درێژ کردووەتەوە.

لە بەیاننامەکەدا ئاماژە بەوە کراوە، کە ئەنجوومەنی کۆمسیارانی کۆمسیۆن بڕیاری درێژکردنەوەی ماوە تۆمارکردنی هاوپەیمانێتییەکانی بۆ رۆژی 1-5-2021 درێژ کردووەتەوە و ماوەی پێشکەشکردنی لیستی کاندیدانیشی بۆ رۆژی 17-4-2021 درێژ کردووەتەوە.

هەرورک لە بەیاننامەکەدا هاتووە، ئەم درێژکردنەوەیە دوا دەرفەتە بە لایەنە سیاسییەکان بۆ پێکهێنانی هاوپەیمانێتی دەدرێت.














باسنيوز