دوای سەردانی وەزیری ناوخۆی عێراق بۆ شانشینی عەرەبستانی سعودیە، وەزیری دەرەوەی ئەو وڵاتەش سەردانی سعودیە دەکات.

ئێوارەی رۆژی یەکشەممە 21-2-2021، عوسمان غانمی، وەزیری ناوخۆی عێراق بە سەرۆکایەتیی شاندێکی ئەمنی، گەیشتە سعودیە.

ئەمڕۆ دووشەممە 22-2-2021، فوئاد حوسێن، وەزیری دەرەوەی عێراق بە سەردانێکی فەرمی و لەسەر بانگهێشتی شازادە فەیسەڵ بن فەرحان، وەزیری دەرەوەی سعودیە، گەیشتە ریاز.

ئەحمەد سەحاف، گوتەبێژی وەزارەتی دەرەوەی عێراق رایگەیاندووە، فوئاد حوسێن و فەیسەڵ بن فەرحان تاوتوێی پەیوەندییەکانی ریاز و بەغدا و دوایین هەنگاوەکانی لێژنەی هەماهەنگیی باڵای سعودیە و عێراق، دەکەن.




باسنيوز