لە عێراق ژمارەی مردووان بە کۆرۆنا بەرز بووەوە
ئەمڕۆ یەکشەممە 21/2/2021، وەزارەتی تەندروستی عێراق لە بەیاننامەیەکەیدا رایگەیاندووە، لە 24 کاتژمێری رابردوو 3 هەزار و 187 حاڵەتی نوێی تووشبوون بە ڤایرۆسی کۆرۆنا لە سەرتاسەری عێراق تۆمارکراوە و دوو هەزار و دوو کەسیش چاکبوونەتەوە، 27 کەسیش گیانیان لە دەستداوە و کۆی گشتی تووشبووانیش گەیشتە 667 هەزار و 937 کەس.
هەروەها ئەوەش خراوەتە روو، کە لە کۆی گشتی تووشبووانی ئەم ڤایرۆسە 618 هەزار و 509 کەس چاکبوونەتەوە و 13 هەزار و 272 کەسیش گیانیان لە دەستداوە.
ماوەی چەند هەفتەیەکە ژمارەی تووشبوون و مردن بە کۆرۆنا لە عێراق روو لە بەرزبوونەوەیە و پێشتریش وه‌زاره‌تی ته‌ندروستی حکوومەتی عێراق هۆشداری دابوو له شه‌پۆڵی دووه‌می پەتای كۆرۆنا، روونیکردبووەوە کە بارودۆخەکە له ئاستێكی مه‌ترسیداردایه و پێویسته رێوشوێنی توندتر بۆ رێگری له گواستنه‌وه‌ی زنجیره نوێیه‌كه‌ی كۆرۆنا بگیرێته‌به‌ر.
باسنيوز
