سوپای عێراق لە بەسرە، هاتوچۆ بەتەواوەتی قەدەغە دەکات و دەروازەکانی شار دادەخات.

ئەمڕۆ یەکشەممە 21-2-2021، لیوا روکن ئەکرەم سەدام، فەرماندەی ئۆپەراسیۆنەکانی بەسرە بە رۆژنامەنووسانی راگەیاندووە، ئەوان سەربازی وڵاتن و هەموو بڕیارەکانی لێژنەی باڵای بەرەنگاربوونەوەی پەتای کۆرۆنا وەک خۆی جێبەجێ دەکەن.

لیوا روکن ئەکرەم سەدام هەروەها رای گەیاندووە، هەموو دەروازەکانی بەسرەیان داخستووە و لە شارەکەش هاتوچۆیان بەتەواوەتی قەدەغە کردووە.

فەرماندەی ئۆپەراسیۆنەکانی بەسرە ئاماژەی بەوەش کردووە، کە تەنیا رێگا بە جووڵەی بازرگانی و هاتوجۆی رۆژنامەنووسان، دەدەن.











باسنيوز