به‌ڵێنده‌رێك كه تۆمه‌تباره به بردنى 178 ملیار دینار له ئوردن ده‌ستگیر كرا
سه‌رچاوه‌یه‌ك له وه‌زاره‌تى په‌روه‌رده، ڕای گه‌یاند: "به‌ڵێنده‌رێكى تۆمه‌تبار به ناوى (ف. خوزه‌یرى) له شارى عه‌مان ده‌ستگیر كرا، كه تۆمه‌تباره به بردنى 178 ملیار دینار عێراقی".
ئه‌و به‌ڵێنده‌ره، خاوه‌ن پرۆژه‌ى دروستكردنى قوتابخانه‌یه كه له‌سه‌رده‌مى (محه‌مه‌د تمێم) وه‌زیری پێشووى په‌روه‌رده و ئه‌ندامى ئه‌م خوله‌ى په‌رله‌مانى عێراق له‌سه‌ر پارێزگاى كه‌ركووك، پرۆژه‌كه‌ى وه‌رگرتووه، گوتیشی: "به‌ڵام پاره‌كه‌ى وه‌رگرت و له بانكه‌كانى ده‌ره‌وه‌ی دانا، پرۆژه‌كه‌شى جێبه‌جێ نه‌كرد".
ئاماژه‌ى به‌وه‌شدا، كه له‌سه‌ر بڕیارى دادگا كه به ئه‌نته‌رپوول دراوه، ئه‌و به‌ڵێنده‌ره ده‌ستگیر كراوه.
پێشتر له 16/ 9/ 2015، وه‌زاره‌تى په‌روه‌رده‌ى عێراق ڕای گه‌یاند، كه له‌سه‌رتاسه‌رى وڵاتدا، پێویستییان به 9000 قوتابخانه‌ى نوێ هه‌یه.
باسنيوز
