هەلیکۆپتەرێکی جەنگیی عێراقی لە باوشووری بەغدا کەوتە خوارەوە و سەرنشینەکانی کوژران.



شانەی راگەیاندنی جەنگیی عێراقی لە بەیاننامەیەکدا رایگەیاندووە، هەلیکۆپتەرەکە رۆژی یەکشەممە 12/11/2017 لە رۆژهەڵاتی شاری کوتی سەنتەری پارێزگای واست، کەوتووەتە خوارەوە.



بەهۆی کەوتنە خوارەوەی ئەو هەلیکۆپتەرە، کە لە جۆری M17 بوو، حەوت کەس گیانیان لەدەست داوە، کە سەرباز و ئەفسەری هێزی ئاسمانیی عێراقی بوون.



شانەی راگەیاندنی جەنگیی عێراقی هەروەها رایگەیاندووە، هەلیکۆپتەرەکە لە کاتی مەشق و راهێنانی سەربازیدا کەوتووەتە خوارەوە.




باسنيوز