شارى عنه له ئه‌نبار له ده‌ست داعش ڕزگار كرا
خانى میدیاى جه‌نگ، سه‌ر به وه‌زاره‌تى به‌رگرى عێراق، له‌سه‌ر زارى فه‌ریق ڕوكن عه‌بدلئه‌میر ڕه‌شید یاره‌ڵڵا، جێگرى فه‌رمانده‌ى ئۆپه‌راسیۆنه هاوبه‌شه‌كان، ڕای گه‌یاند: "یه‌كه‌كانى سه‌ر به ئۆپه‌راسیۆنى جه‌زیره كه له فیرقه‌ى پیاده‌ى حه‌وت و لیواى پیاده‌ى 30 فیرقه‌ى هه‌شت و حه‌شدى عه‌شایه‌رى، توانییان شارى عنه به ته‌واوه‌تى له ده‌ست داعش ڕزگار بكه‌ن و ئاڵاى عێراق له‌سه‌ر فه‌رمانگه حكوومییه‌كان هه‌ڵبده‌ن".
جێی ئاماژه‌یه، فه‌رمانده‌ى ئۆپه‌راسیۆنه‌كانى جه‌زیره و هێزه سه‌ربازییه هاوبه‌شه‌كان و حه‌شدى شه‌عبى و عه‌شایه‌رى، به پشتیوانى فڕۆكه جه‌نگییه‌كانى هاوپه‌یمانى نێوده‌وڵه‌تى، ده‌ستیان به ئۆپه‌راسیۆنه‌كانى ڕزگاركردنى ناوچه‌كانى ئه‌نبار كردووه و تائێستا توانراوه عوكاشات و ڕه‌یحانه ڕزگار بكه‌ن.
bas news-
