دەیان چەکداری رێکخراوی تیرۆریستی داعش هەوڵی هەڵاتن لە شارۆچکەی حەویجە لە باشووری رۆژئاوای شاری کەرکووک، دەدەن.



سەرلەبەیانیی رۆژی پێنجشەممە 21/9/2017، حەیدەر عەبادی، سەرۆک وەزیران و فەرماندەی گشتیی هێزە چەکدارەکانی عێراق دەستپێکردنی قۆناغی یەکەمی ئۆپەراسیۆنی رزگارکردنەوەی حەویجەی راگەیاند.



بەپێی هەواڵی میدیا عێراقییەکان، دوای دەستپێکردنی ئۆپەراسیۆنەکە، کاروانێکی دەیان چەکداریی داعش هەوڵی هەڵاتنیان داوە و روویان کردووەتەتە ناوچەکانی رۆژهەڵاتی پارێزگای سەڵاحەدین.



فڕۆکە جەنگییەکانی عێراق ئەو کاروانەی داعشیان بە سەختی بۆردومان کردووە و زۆربەی چەکدارەکانی داعش کوژراون.



لە مانگی حوزەیرانی 2014 و لە سەردەمی سەرۆک وەزیرانیی نوری مالیکیدا، داعش نزیکەی دوو هەزار چەکداری داعش هەرەسیان بە سوپای عێراق هێنا و لەماوەی چەند رۆژێکی کەمدا، نزیکەی نیوەی خاکی عێراقیان داگیر کرد.
bas news-