ژمارەیەكی زۆر لەهەواداران و خۆشەویستانی لەتیفە لە سەر تۆڕی ئینتەر نێت داوایان لێكرد ئەو كچە ئازاد بكات كە ناوی لەخۆی ناوە”شێتی لەتیفە” و ڕەخنەیان لێگرت سەبارەت بە بڕیاری زیندانیكردنی ئەو كچە. نزیكەی ساڵێك پێش ئێستا كچێك توانی ژمارەی لەتیفە وەربگرێت و زۆر تەلەفۆنی بۆ دەكرد، نامەی بۆ لەتیفە دەنارد و ببوو بە هۆی بێزاركردنی. ئەمەش وای كرد لەتیفە لەدادگا داوایەك لەسەر ئەو كچە تۆمار بكات بە بیانووی ئەوەی وێنەی ناشیاوی بڵاو دەكاتەوە لەسایتەكانی ئینتەرنێت و زیانی بەناوبانگی لەتیفە گەیاندووە.
