سێر ئەلێكس فێرگسۆنی راهێنەری یانەی مانچستەر یونایتدی ئینگلیزی ئاشكرای كرد بردنەوەی نازناوی خولی یاننە پاڵەوانەكانی ئەوروپا لە وەرزی ئەمساڵدا ئامانجی سەرەكییانە.
سێر گوتی ركابەری لەسەر نازناوی ئەوروپی زۆر بەهێز دەبێت بەهۆی بوونی بەرشەلۆنە و ریال مەدرید و مانچستەر ستییەوە.
هەروەها روونیكردەوە كە تیپەكەی توانایەكی وای هەیە پاڵێوراو بێت بۆ ركابەریكردن لەسەر نازناوی خولەكە.
فێرگسۆن گوتی شەڕ لەسەر هەموو ئامانجەكانمان دەكەین، بە پلەی یەكەم خولی یانە پاڵەوانەكانی ئەوروپا و پێم وایە ریزەكانی خۆمان بۆ ئەم كارە باش رێكخستووە.
لەلایەكی ترەوە فێرگسۆن پەسنی تواناكانی رۆبن ڤان پێرسی هێرشبەری هۆڵەندی كرد و گوتی بوونی یاریزانی وەك ئەو خەونەكانی ئێمە بۆ بردنەوەی نازناوی چامپیۆنس لیگ نزیكتر دەكاتەوە.