خۆسۆ ئەرۆتیای سەرۆكی یانەی ئەتلەتیك بلباوی ئیسپانی، ئاشكرای كرد یانەكەی بیر لە سكاڵا تۆماركردن لە یانەی بایرن میونشنی ئەڵمانی دەكاتەوە، بەهۆی بردنی خافی مارتینێزی یاریزانی یانەكە بۆ ریزەكانی خۆی بەبێ وەرگرتنی رەزامەندیی یانەی ئەتلەتیك بلباو.
بایرن میونشن گرێبەستی لەگەڵ ئەو یاریزانە ئیسپانییەدا كرد بەبێ گەڕانەوە بۆ یانەكەی و تەنیا 40 ملیۆن یۆرۆی ناردە سەر ژمارە بانكیی یانە ئیسپانییەكە. ئەو 40 ملیۆنە مەرجی سزایی هەڵوەشاندنەوەی گرێبەستی مارتینێز بوو لەگەڵ یانەی ئەتلەتیك بلباو.
ئۆرۆتیا گوتی بیر لە سزادانی بایرن دەكەینەوە لە رێگەی پەنا بردنە بەر دادگاوە، مارتینێز تا ئێستا گرێبەستی لەگەڵ ئێمەدا هەیە و ئەو گرێبەستە بەپێی یاسا پارێزراوە و هەڵنەوەشاوەتەوە.
هەروەها گوتی ئەوان رەزامەندیی ئێمەیان بەدەست نەهێناوە لە بردنی مارتینێزدا، دەبێ سزای ئەوە وەربگرن چونكە هیچ حسابێكیان بۆ ئێمە نەكردووە.