یانەی ناپۆلی ئیتالی رایگەیاند ئامادەیە یاریزانی ئۆروگوایی ئەدینسۆن كاڤانی بفرۆشێت لە گواستنەوەی هاوینەدا بە نرخی 100 ملیۆن یۆرۆ، یاریزان كاڤانی گۆڵكەرێكی بە توانای خولی ئیتالیا و یانەی ناپۆلییە بۆیە بۆتە ئامانجی یانە گەورەكانی ئەوروپا وەك یانەكانی چێلسی ئینگلیزی و پاریس سان جێرمانی فەرەنسی و یۆڤانتسی ئیتالی .
سەرۆكی یانەی ناپۆلی ئۆرۆلیۆ دی لۆرانتیس لە لێدوانێدا بۆ كەناڵی سكای سپۆرت وتی : زیاتر لە جارێك وتومانە كە یاریزان كاڤانی بۆ فرۆشتن نییە، بەڵام ئەگەر یانەیەك 100 ملیۆن یۆرۆی وەك نرخێك بۆ یاریزان كاڤانی پێشكەش كردین ئەو كات دەست بەرداری ئەو یاریزانە دەبین .
هەروەها سەرۆكی یانەی ناپۆلی گوتی : من پێم وایە كە كاڤانی شایستەی نرخی 100 ملیۆن یۆرۆیە، من بە كەمتر لەم نرخە دەست بەرداری كاڤانی نابم .