چەندین سەرچاوەی ئیسپانی ئاشكرایان كردووە كە یانەی ریال مەدریدی ئیسپانی دوا دەستەوارەی خۆی بۆ كڕینی لۆكا مۆدریچ دەخاتە بەردەستی دانێل لیڤی سەرۆكی یانەی تۆتنهامی ئینگلیزی.
بەپێی رادیۆی كادینا سێری ئیسپانی یانەی ریال مەدرید دوای ئەوەی لە رێگەی جۆزێ مۆرینۆی راهێنەری یانەكەوە جارێكی تر پەیوەندی بە لیڤییەوە كرد، دەستەوارەیەكی نوێ بۆ كڕینی مۆدریچ پێشكەش دەكات كە بریتییە لە 35 ملیۆن پاوەند، جیا لە پێدانی پاداشت بە یانەكە ئەگەر ریال مەدرید توانی خولی یانە پاڵەوانەكانی ئەوروپا یان خولی ئیسپانی بباتەوە، كە بەو پاداشتەوە بڕی دەستەوارەكە دەگاتە 40 ملیۆن پاوەند و تۆتنهامیش هەر داوای ئەو بڕە پارەیە دەكات.
بابەتی گرێبەستكردنی تۆتنهام لەگەڵ مۆدریچ كەوتووە ناو ئاڵۆزییەكی زۆرەوە، كە لە ئەنجامدا مانگرتنی ئەو یاریزانەی لە یانەكەی لێكەوتەوە و ئامادەنەبوو لەگەڵیدا بچێتە ئەمەریكا بەمەبەستی خۆئامادەكردن بۆ وەرزی نوێ.