بەمەبەستی زیاتر خزمەتكردنی یاری فوتساڵ لە شاری دهۆك ، لقی دهۆكی یەكێتی تۆپی پێی شارەكە و بەهاوكاری نوێنەرایەتی لێژنەی ئۆڵۆمپی كوردستانی شاری دهۆك و بەبەشداری شەش یانەی شاری دهۆك و دەوروبەری پاڵەوانێتی فوتساڵی كچانی یانەكانی دهۆك بۆماوەی یەك هەفتە بەڕێوەچوو ، لە پاڵەوانێتیەكەشدا دوای ئەنجامدانی چەندین یاری هەردوو یانەی زێرەڤانی و سەنحاریب گەیشتنە یاری كۆتایی ، لە یاری كۆتایشدا لە هۆڵی پەروەردەی وەرزشی بە ئامادەبوونی ژمارەیەكی زۆری هاندەرانی وەرزشی بەڕێوەچوو ، لەم یاریشدا كچانی سەنحاریب توانییان ئاستێكی بەرزی یاری فوتساڵ پێشكەش بكەن و نازناوی پاڵەوانێتیەكەش بۆخۆیان مسۆگەر بكەن ، یارییەكەش بە ئەنجامی (4-2)گۆڵ ببەنەوە و ببنە پاڵەوانی خولەكە ویانەی زێرەڤانیش پلەی دووەمی پێبڕا لە كۆتایشدا لەلایەن ئامادەبووان خەڵات و دیاری بەسەر یاریزانە و یانە سەركەوتوەكان دابەشكرا.