یانەی مانچستەر یونایتدی ئینگلیزی پارێزگاری لە پلەی یەكەمی بە نرخترین یانەكانی جیهانی كرد بۆ ساڵی 2012 بە پێی راپۆرتێك كە گۆڤاری فۆربسی ئەمریكی تایبەتمەند بە بواری ئابووری بڵاوی كردەوە و لە پێش یانەی ریال مەدریدی ئیسپانی هات ، نرخی یانەی مان یونایتد پاڵەوانی خولی ئینگلتەرا لە 19 جاردا بە بڕی (2.23) ملیار دۆلار خەملێنرا لە بەرامبەر (1.88) ملیار دۆلار بۆ یانەی ریال مەدرید.
لە لیستی بەنرخترین 50 یانەی جیهاندا 32 یانە تایبەت بوون بە یاری تۆپی پێی ئەمریكی ، هەروەها ناوی تیپی فیراری لە فۆرمولا وەن و یانەی نیویۆرك نێكس لە یاری باسكەی تێدا بوو ، لە لیستەكەدا یانەی بەرشلۆنەی ئیسپانی 18 پلە سەركەوت و یانەی ئەرسنالی ئینگلیزی سێ پلە گەڕایەوە دواوە ، ئەوەش لیستی بە نرخترین 10 یانەی جیهانە :
1- یانەی مانچستەر یونایتدی ئینگلیزی (تۆپی پێ) 2.23 ملیار دۆلار
2- یانەی ریال مەدریدی ئیسپانی (تۆپی پێ) 1.88 ملیار دۆلار
3- یانەی نیویۆرك یانكیزی ئەمریكی (بێسبۆل) 1.85 ملیار دۆلار
4- یانەی دالاس كاوبۆیزی ئەمریكی (تۆپی پێی ئەمریكی) 1.85 ملیار دۆلار
5- یانەی واشنتۆن ریدسیكنزی ئەمریكی (تۆپی پێی ئەمریكی) 1.56 ملیار دۆلار
6- یانەی لۆس ئەنجلۆس دۆدگزی ئەمریكی (بێسبۆل) 1.40 ملیار دۆلار
7- یانەی نیوئینگلاندی ئەمریكی (تۆپی پێی ئەمریكی) 1.40 ملیار دۆلار
8- یانەی بەرشلۆنەی ئیسپانی (تۆپی پێ) 1.31 ملیار دۆلار
9- یانەی نیویۆرك جاینتسی ئەمریكی (تۆپی پێی ئەمریكی) 1.30 ملیار دۆلار
10- یانەی ئەرسنالی ئینگلیزی (تۆپی پێ) 1.29 ملیار دۆلار