ئیكەر كاسیاس كاپتنی هەڵبژاردەی ئیسپانیا دووپاتیكردەوە كە ئەو پێشكەوتنە گەورەیەی لە تۆپی پێی ئیسپانیا روویداوە لە ماوەی چوار ساڵی رابردوودا بەرەبوومی كاركردنی پرۆژەیەكە كە پێش 13 ساڵ دەستی پێكردووە ، كاسیاس لە لێدوانێكدا لە وڵاتی ئیسپانیا روونی كردەوە هەڵبژاردەی ئیسپانیا سوودی لە هەڵەكانی پێشووی خۆی وەرگرتووە تا ئەو كاتەی توانی مێژوو بگۆڕێت لە یۆرۆی 2008وە كە توانی جامی یۆرۆ بباتەوە ، هەروەها ئەوەشی راگەیاند كە یاریزانەكان لەلایەنی دەروونی و جەستەیی ئامادەكراون بۆ ئەوەی ببنە پاڵەوانی وەرزشی و توانیان خۆشی بۆ گەلی ئیسپانیا بهێنن لە نێو كێشەی دارایی وڵاتدا .
لەلایەكی دیكەوە كاسیاس سەبارەت بە خەڵاتی باشترین یاریزانی جیهانی ساڵی 2012 رایگەیاند كە خەڵاتەكە لە نێوان چوار یاریزانە كریستیانۆ رۆنالدۆ و لیۆنیل میسی و ئەندرێس ئەنێستا و زاڤی هێرناندیز هەرچەندە ئەویش بۆ ئەم خەڵاتە پاڵێوراوە ، ئەوەشی دووپاتكردەوە كە كاندیدكردنی گۆڵچییەك بۆ خەڵاتی تۆپی زێڕین رێزلێنانەكە بۆ ئەوان كە لایەنێكی گرنگن لە یاری تۆپی پێ ، كاسیاس رازی نەبوو ئەوە ئاشكرا بكات دەنگ بە كام یاریزان دەدات .
